اۆستراليانىڭ جاڭا وڭتۇستىك ۋەلس شتاتىنىڭ بيلىگى ءۇش جاستان اسقان بالالارعا ءوز بەتىنشە جىنىسىن تاڭداۋعا رۇقسات بەرمەك، دەپ حابارلايدى «ادىرنا» ءتىلشىسى Daily Mail-عا سىلتەمە جاساپ.
بالالار باسقارماسى شىعارعان نۇسقاۋلىق بيىل العاش رەت ەنگىزىلدى. قۇجاتتا ءۇش جاستان سەگىز جاسقا دەيىنگى بالالارعا قامقورلىق جاسايتىن ەرەسەكتەر مەن اتا-انالار ولاردىڭ جىنىسىن انىق كورسەتپەۋى كەرەك دەلىنگەن.
"مۇمكىندىكتەردى كەڭەيتۋ جانە قاتىسۋ" دەپ اتالاتىن ۇكىمەت جاريالانىمى عالىمدار مەن ساراپشىلار اراسىندا جاعىمسىز رەاكتسيا تۋدىردى.
سىنشىلار مەكتەپ جاسىنا دەيىنگى بالادان ونىڭ گەندەرلىك سايكەستىگى تۋرالى سۇراۋ جەكە تۇلعانىڭ دامۋىنا زيان تيگىزۋى مۇمكىن دەپ ەسكەرتەدى. سونداي-اق ولار بۇل بالالاردى شاتاستىرۋى مۇمكىن دەپ سانايدى. ساراپشىلاردىڭ پىكىرىنشە، بۇلدىرشىندەر گەندەر ۇعىمىنىڭ ءمانىن تولىق تۇسىنە قويعان جوق.
«ادىرنا» ۇلتتىق پورتالى
