2021 جىلدىڭ 2 قىركۇيەگىندە قاراعاندى قالاسىندا قازاقستان، بەلارۋس جانە رەسەي تجم بىرلەسكەن القاسىنىڭ سەگىزىنشى وتىرىسى ءوتتى. بۇل تۋرالى توتەنشە جاعدايلار مينيسترلىگىنىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
القا وتىرىسى جامبىل وبلىسىنداعى جارىلىستان قازا بولعان قۇتقارۋشىلاردى ءبىر مينۋت ۇنسىزدىكپەن ەسكە الۋدان باستالدى.
ءىس-شاراعا بەلارۋس رەسپۋبليكسى توتەنشە جاعدايلار ءمينيسترى ۆاديم يۆانوۆيچ سينياۆسكي، رەسەي فەدەراتسياسىنىڭ ازاماتتىق قورعانىس، توتەنشە جاعدايلار جانە دۇلەي ءزىلزالالاردىڭ زارداپتارىن جويۋ ىستەرى جونىندەگى ءمينيستردىڭ ءبىرىنشى ورىنباسارى الەكساندر پەتروۆيچ چۋپريان، قازاقستان رەسپۋبليكاسىنىڭ توتەنشە جاعدايلار ءمينيسترى يۋري يلين قاتىستى. سونداي-اق بەلارۋس، رەسەي جانە قازاقستان تجم دەلەگاتسيالارى قاتىستى.
وتىرىس بارىسىندا ءۇش ەلدىڭ ۆەدومستۆولارىنىڭ وكىلدەرى ءبىلىم بەرۋ مەكەمەلەرى اراسىنداعى ءوزارا ءىس-قيمىل ماسەلەلەرىن، سونداي-اق ەۋرازيالىق ەكونوميكالىق وداقتىڭ ءورت قاۋىپسىزدىگى سالاسىنداعى تەحنيكالىق رەگلامەنتى تالاپتارىنىڭ ساقتالۋىنا مەملەكەتتىك باقىلاۋدى (قاداعالاۋدى) ۇيىمداستىرۋ جانە جۇزەگە اسىرۋ تۋرالى ماسەلەلەردى تالقىلادى. بۇدان باسقا حالىقارالىق سپورتتىق ءىس-شارالاردى، سونداي-اق قوعامدىق-ساياسي ماڭىزى بار ءىس-شارالاردى وتكىزۋ كەزەڭىندە قاۋىپسىزدىكتى قامتاماسىز ەتۋ تۋرالى ايتىلدى. جانە دە قازاقستان، رەسەي، بەلارۋس تجم بىرلەسكەن القانىڭ توعىزىنشى وتىرىسىن وتكىزۋ تۋرالى بىرقاتار ماسەلەلەر شەشىلدى.
ءۇش ەل القاسىنىڭ سەگىزىنشى بىرلەسكەن وتىرىسى ءوزارا ءىس-قيمىلدى دامىتۋعا، ۆەدومستۆولار اراسىندا تاجىريبە الماسۋعا، نورماتيۆتىك قۇقىقتىق بازانى نىعايتۋعا جانە كادرلار دايارلاۋ دەڭگەيىن ارتتىرۋعا ىقپال ەتپەك.
«ادىرنا» ۇلتتىق پورتالى
