2021 jyldyń 2 qyrkúıeginde Qaraǵandy qalasynda Qazaqstan, Belarýs jáne Reseı TJM birlesken alqasynyń segizinshi otyrysy ótti. Bul týraly Tótenshe jaǵdaılar mınıstrliginiń baspasóz qyzmeti jazdy, dep habarlaıdy «Adyrna» tilshisi.
Alqa otyrysy Jambyl oblysyndaǵy jarylystan qaza bolǵan qutqarýshylardy bir mınýt únsizdikpen eske alýdan bastaldy.
Is-sharaǵa Belarýs Respýblıksy Tótenshe jaǵdaılar mınıstri Vadım Ivanovıch Sınıavskıı, Reseı Federaııasynyń Azamattyq qorǵanys, tótenshe jaǵdaılar jáne dúleı zilzalalardyń zardaptaryn joıý isteri jónindegi Mınıstrdiń birinshi orynbasary Aleksandr Petrovıch Chýprııan, Qazaqstan Respýblıkasynyń Tótenshe jaǵdaılar mınıstri Iýrıı Ilın qatysty. Sondaı-aq Belarýs, Reseı jáne Qazaqstan TJM delegaııalary qatysty.
Otyrys barysynda úsh eldiń vedomstvolarynyń ókilderi bilim berý mekemeleri arasyndaǵy ózara is-qımyl máselelerin, sondaı-aq Eýrazııalyq ekonomıkalyq odaqtyń órt qaýipsizdigi salasyndaǵy tehnıkalyq reglamenti talaptarynyń saqtalýyna memlekettik baqylaýdy (qadaǵalaýdy) uıymdastyrý jáne júzege asyrý týraly máselelerdi talqylady. Budan basqa halyqaralyq sporttyq is-sharalardy, sondaı-aq qoǵamdyq-saıası mańyzy bar is-sharalardy ótkizý kezeńinde qaýipsizdikti qamtamasyz etý týraly aıtyldy. Jáne de Qazaqstan, Reseı, Belarýs TJM birlesken alqanyń toǵyzynshy otyrysyn ótkizý týraly birqatar máseleler sheshildi.
Úsh el alqasynyń segizinshi birlesken otyrysy ózara is-qımyldy damytýǵa, vedomstvolar arasynda tájirıbe almasýǵa, normatıvtik quqyqtyq bazany nyǵaıtýǵa jáne kadrlar daıarlaý deńgeıin arttyrýǵa yqpal etpek.
«Adyrna» ulttyq portaly
