Ǧalamtor jelısınde elımızdıŋ mektep oquşylary ata-analarynyŋ kelısımınsız Pfizer/BioNTech öndırgen vaksinamen salynatyny, bala üide vaksinasiia turaly aitpauy üşın preparat mūrynǧa arnalǧan sprei türınde bolatyny turaly qaueset tarauda. Būl ötırık dep habarlaidy stopfake.kz. ⠀
Jelını şulatqan aqparatty QR Densaulyq saqtau ministrlıgı joqqa şyǧardy.
«Būl aqparat şyndyqqa janaspaidy. Bırınşıden, Pfizer/BioNTech öndırgen vaksinany Qazaqstanǧa 2021 jyldyŋ törtınşı toqsanynda jetkızu josparlanǧan. Ekınşıden, ol tek inenıŋ kömegımen būlşyqetke egıledı. Būl preparat 12 jastan asqan jasöspırımderge arnalǧan. Esterıŋızge sala keteiık, Qazaqstanda balalardy vaksinasiialau tek ata-analardyŋ nemese resmi ökılderdıŋ (qamqorşylardyŋ) aqparattandyrylǧan kelısımımen ǧana jürgızıledı», — dep habarlady vedomstvodan. ⠀Sondai-aq, Pfizer/BioNTech öndırgen COVID-19 aldyn aluǧa arnalǧan preparat barlyq qajettı klinikalyq jäne klinikaǧa deiıngı synaqtardan ötkendıgı, onyŋ qauıpsızdıgı men tiımdılıgı däleldengendıgı aityldy. Būl vaksinany alǧannan keiın balalar jappai öledı degen de qaueset. Vaksina AQŞ-tyŋ azyq-tülık jäne därı-därmek sapasyn sanitarlyq qadaǧalau basqarmasymen maqūldanǧan jäne AQŞ, Kanada, Avstraliia, Belgiia, Fransiia, İslandiia jäne t. b. 98 elde qoldanyluda. Ony qoldanu nätijesınde jappai ölım tırkelgen joq.
"Adyrna" ūlttyq portaly
Ūqsas jaŋalyqtar
