اقتوبەدە ەر ادام بىرگە ىشىمدىك ىشكەن دوسىن پىشاقتاپ ءولتىردى، دەپ حابارلايدى «ادىرنا» ءتىلشىسى Polisia.kz-كە سىلتەمە جاساپ.
«اعىمداعى جىلدىڭ 24 تامىزىندا اقتوبە قالاسى پب-نىڭ “102” جەدەل باسقارۋ ورتالىعىنا ەر ادام قوڭىراۋ شالىپ، كۋتۋەۆ كوشەسىندە ورنالاسقان ۇيدەن جالعىز تۇراتىن تۋىسىنىڭ ءمايىتىن تاپقانىن حابارلاعان. وقيعا ورنىنا كەلگەن جەدەل-تەرگەۋ توبى شامامەن 45 جاستاعى كەۋدەسىندە پىشاقتىڭ جاراقاتى بار ەر ادامنىڭ ءمايتى تابىلدى»،— دەلىنگەن حابارلامادا.
پوليتسيا قىزمەتكەرلەرىنىڭ جەدەل-ىزدەستىرۋ شارالارىنىڭ ناتيجەسىندە 44 جاستاعى ەر ادام انىقتالدى. ول 22 تامىز كۇنى جابىرلەنۋشىنىڭ ۇيىندە ەكەۋى ىشىمدىك ءىشىپ، ولاردىڭ اراسىنداعى جانجالدان كەيىن، ونىڭ مارقۇمعا پىشاق سالعانىن مالىمدەدى.
جينالعان دالەلدەمەلەردىڭ جيىنتىعى نەگىزىندە قىلمىستىق قۇقىق جاساعان تۇلعا قپك-ءنىڭ 128-بابىنا سايكەس ۇستالىپ، اقتوبە قالاسى ۋۇي-نە قامالدى. اتالعان دەرەك قر قك-ءنىڭ 99-بابىنىڭ 1-بولىگى (ادام ءولتىرۋ) بويىنشا سوتقا دەيىنگى تەرگەپ-تەكسەرۋ جۇرگىزىلۋدە. وزگە مالىمەتتەر تەرگەۋ مۇددەسىندە جاريا ەتىلمەيدى.
«ادىرنا» ۇلتتىق پورتالى
