Ақтөбеде ер адам бірге ішімдік ішкен досын пышақтап өлтірді, деп хабарлайды «Адырна» тілшісі Polisia.kz-ке сілтеме жасап.
«Ағымдағы жылдың 24 тамызында Ақтөбе қаласы ПБ-ның “102” жедел басқару орталығына ер адам қоңырау шалып, Кутуев көшесінде орналасқан үйден жалғыз тұратын туысының мәйітін тапқанын хабарлаған. Оқиға орнына келген жедел-тергеу тобы шамамен 45 жастағы кеудесінде пышақтың жарақаты бар ер адамның мәйті табылды»,— делінген хабарламада.
Полиция қызметкерлерінің жедел-іздестіру шараларының нәтижесінде 44 жастағы ер адам анықталды. Ол 22 тамыз күні жәбірленушінің үйінде екеуі ішімдік ішіп, олардың арасындағы жанжалдан кейін, оның марқұмға пышақ салғанын мәлімдеді.
Жиналған дәлелдемелердің жиынтығы негізінде қылмыстық құқық жасаған тұлға ҚПК-нің 128-бабына сәйкес ұсталып, Ақтөбе қаласы УҰИ-не қамалды. Аталған дерек ҚР ҚК-нің 99-бабының 1-бөлігі (Адам өлтіру) бойынша сотқа дейінгі тергеп-тексеру жүргізілуде. Өзге мәліметтер тергеу мүддесінде жария етілмейді.
«Адырна» ұлттық порталы
