جامبىل وبلىسىندا بولعان جارىلىستا قازا تاپقان اسكەريلەر ناگرادتالدى

2546
Adyrna.kz Telegram
بۇگىن قر پرەزيدەنتى قاسىم-جومارت توقاەۆ جامبىل وبلىسىندا بولعان جارىلىستا قازا تاپقان اسكەريلەردى ناگرادتاۋ تۋرالى قاۋلى شىعاردى دەپ حابارلايدى "ادىرنا" ۇلتتىق پورتالى.
مەملەكەت باسشىسىنىڭ قاۋلىسىندا جارىلىس كەزىندە قازا تاپقان م.ايمانوۆقا «حالىق قاھارمانى» اتاعىن، ا.قاپەزوۆ پەن ا. ميكروپۋلوعا ءى دارەجەلى «ايبىن» وردەنىن، و.دالىباەۆ، ر.جانبولاتوۆ، م.مەشىنباي،  ە.ساندىباەۆ،  ە.نادىربەكوۆ، ا.تەمىربولاتوۆ، ت.تورەبەكوۆتەرگە ءىىى دارەجەلى «ايبىن» وردەنىن بەرۋ تۋرالى شەشىم شىعارىلعان.
ەل پرەزيدەنتىنىڭ قاۋلىسىندا بىلاي دەپ جازىلعان:
"قازاقستان رەسپۋبليكاسىنىڭ مەملەكەتتىك ناگرادالارىمەن ناگرادتاۋ تۋرالى
قاۋلى ەتەمىن:
1. اسكەري جانە قىزمەتتىك بورىشىن اتقارۋدا كورسەتكەن ەرلىگى مەن جانقيارلىعى ءۇشىن ناگرادتالسىن:
ءى دارەجەلى «ايبىن» وردەنىمەن
قاپەزوۆ ارمان قۋانىشۇلى (مارقۇم) – باس اسكەري پروكۋراتۋرانىڭ وڭتۇستىك ايماق اسكەري پروكۋرورى
ميكروپۋلو الەكساندر نيكولاەۆيچ (مارقۇم) – توتەنشە جاعدايلار مينيسترلىگى جامبىل وبلىسى توتەنشە جاعدايلار دەپارتامەنتى ءورت ءسوندىرۋ جانە اۆاريالىق-قۇتقارۋ جۇمىستارى قىزمەتى ءورت ءسوندىرۋ كەزەكشى قىزمەتىنىڭ جەدەل كەزەكشىسى ء(ورت ءسوندىرۋ جەتەكشىسىنىڭ ورىنباسارى);
ءىىى دارەجەلى «ايبىن» وردەنىمەن
دالىباەۆ ورازبەك دايراۇلى (مارقۇم) – قورعانىس مينيسترلىگى № 28349 اسكەري ءبولىمى ۆەدومستۆولىق كۇزەت كومانداسىنىڭ اتقىشى
جانبولاتوۆ رۋسلان ءجۇرسىنبايۇلى (مارقۇم) – قورعانىس مينيسترلىگى № 28349 اسكەري ءبولىمى ورتكە قارسى قورعانىس جانە قۇتقارۋ جۇمىستارى اسكەري كومانداسىنىڭ مامانى ء(ورت ءسوندىرۋشىسى)
مەشىنباي مارات سايلاۋۇلى (مارقۇم) – قورعانىس مينيسترلىگى № 28349 اسكەري ءبولىمى ورتكە قارسى قورعانىس جانە قۇتقارۋ جۇمىستارى اسكەري كومانداسىنىڭ مامانى (مەحانيك-جۇرگىزۋشىسى)
نادىربەكوۆ ەركىن ەرىكبايۇلى (مارقۇم) – قورعانىس مينيسترلىگى № 28349 اسكەري ءبولىمى ورتكە قارسى قورعانىس جانە قۇتقارۋ جۇمىستارى اسكەري كومانداسىنىڭ بولىمشە باستىعى (كوماندا باستىعى)
ساندىباەۆ ەلدوس قادىربايۇلى (مارقۇم) – توتەنشە جاعدايلار مينيسترلىگى جامبىل وبلىسى توتەنشە جاعدايلار دەپارتامەنتى ءورت ءسوندىرۋ جانە اۆاريالىق-قۇتقارۋ جۇمىستارى قىزمەتى № 3 ءورت ءسوندىرۋ ءبولىمىنىڭ اعا ءورت ءسوندىرۋشى-قۇتقارۋشىسى
تەمىربولاتوۆ ارنۇر سەرىكۇلى (مارقۇم) – توتەنشە جاعدايلار مينيسترلىگى جامبىل وبلىسى توتەنشە جاعدايلار دەپارتامەنتى ءورت ءسوندىرۋ جانە اۆاريالىق-قۇتقارۋ جۇمىستارى قىزمەتى № 3 ءورت ءسوندىرۋ ءبولىمىنىڭ ءورت ءسوندىرۋشى-قۇتقارۋشىسى
تورەبەكوۆ تاڭىربەرگەن قۇدايبەرگەنۇلى (مارقۇم) – توتەنشە جاعدايلار مينيسترلىگى جامبىل وبلىسى توتەنشە جاعدايلار دەپارتامەنتىنىڭ ءورت ءسوندىرۋ جانە اۆاريالىق-قۇتقارۋ جۇمىستارى قىزمەتى № 1 مامانداندىرىلعان ءورت ءسوندىرۋ ءبولىمىنىڭ اعا ءورت ءسوندىرۋشى-قۇتقارۋشىسى.
2. وسى جارلىق قول قويىلعان كۇنىنەن باستاپ قولدانىسقا ەنگىزىلەدى".
"م.ق. ايمانوۆقا «حالىق قاھارمانى» اتاعىن بەرۋ تۋرالى
قاۋلى ەتەمىن:
1. قازاقستان رەسپۋبليكاسىنا سىڭىرگەن اسا ۇزدىك ەڭبەگى، قىزمەتتىك بورىشىن اتقارۋدا كورسەتكەن ەرجۇرەكتىگى مەن جانقيارلىعى ءۇشىن جامبىل وبلىسى توتەنشە جاعدايلار دەپارتامەنتى ءورت ءسوندىرۋ جانە اۆاريالىق-قۇتقارۋ جۇمىستارى قىزمەتى باستىعىنىڭ ورىنباسارى مەيىرجان قاقپاسىنۇلى ايمانوۆقا «حالىق قاھارمانى» اتاعى بەرىلىپ، ايرىقشا ەرەكشەلىك بەلگىسى – التىن جۇلدىز بەن «وتان» وردەنى تاپسىرىلسىن (مارقۇم).
2. وسى جارلىق قول قويىلعان كۇنىنەن باستاپ قولدانىسقا ەنگىزىلەدى".
قازاقستان رەسپۋبليكاسىنىڭ پرەزيدەنتى ق.توقاەۆ.
نۇر-سۇلتان، اقوردا، 2021 جىلعى 29 تامىز.
"ادىرنا" ۇلتتىق پورتالى.
پىكىرلەر