اۋعان ۇلتتىق ارمياسىنىڭ 215-ءشى كوماندوۆانيەسىنىڭ قولباسشىسى، گەنەرال-لەيتەنانت سامي سادات اۋعان ساربازدارىنىڭ نەلىكتەن تەز جەڭىلىسكە ۇشىراپ، تالىپتەرگە بەرىلگەنىن حابارلادى.
The New York Times-كە بەرگەن سۇحباتىندا ول گيلمەند پروۆينتسياسىندا تاليبان راديكالدى ۇيىمىنىڭ جاساقتارىمەن 3,5 جىل شايقاسىپ، ۇلكەن شىعىندارعا تاپ بولعانىن ايتتى. كەيىننەن ول كابۋلگە قايتىپ، ارنايى جاساقتى باسقاردى. ول كەزدە تالىپتەر قالاعا كىرىپ قويعان. ءبارى دە كەش بولاتىن.
گەنەرال-لەيتەنانت سامي ساداتتىڭ ايتۋىنشا، اۋعاننىڭ ساربازدارى ءبىزدىڭ تەك «امەريكالىق سەرىكتەستەرىمىز بار» دەگەن سولبىر سەنىم مەن ۇستانىمدى وزدەرىنە سەرىك ەتىپ شايقاسقان. سوندىقتان دا ولار امەريكالىقتارعا سەنىپ، ءوز جىگەرى مەن ەرىكتەرىنەن ايىرىلىپ قالدى. مەن ءوز باسىم بايدەن مىرزانىڭ جۇزىنە قاراۋعا بەتىم جوق، ولار دا اۋعان ساربازدارىنىڭ ىشكى كۇيزەلىسىن تۇسىنە المادى، دەپ اشىنا ايتتى.
پرەزيدەنت اشراف عاني ەلدەن كەتكەننەن كەيىن اۋعان ساربازدارىنىڭ تالىپتەرمەن كەلىسىمگە كەلۋىنىڭ ەشقانداي دا ماڭىزى قالمادى. مۇندا اۋعان ارمياسىنىڭ گەنەرالدارى مەن قولباسشىلارىنىڭ تۇرعىنداردى ەۆاكۋاتسيالاۋعا كومەكتەسۋى عانا قالعان ەدى.
اۋعان ارمياسى تالىپتەرمەن قاقتىعىستا وزدەرىنىڭ اسكەري ماتەريالدىق-تەحنيكالىق بازالارىنان دا ايىرىلدى. بۇل بازالاردىڭ بارلىعى دا اقش-تىڭ اۋعان ارمياسىنا كومەك رەتىندە بەرگەن قارۋلارى بولاتىن.
وسى پروتسەدۋرالاردىڭ بارىنە اۋعانستان بيلىگىندەگى شەكتەن شىققان جەمقورلىق سەبەپ بولعان. اسىرەسە، بۇل قاۋىپتىڭ تۋىنداۋىنا بۇرىنعى پرەزيدەنت اشراف عانيدىڭ تىكەلەي كىناسى بولدى. گەنەرالدىڭ ايتۋىنشا، ەلدەگى جەقورلىقتىڭ ەڭ قاتتى اسقىنعان تۇسى دا اۋعان ارمياسىنىڭ باسشىلىعىندا ىسكە اسقان.
تۇتاس جايلاعان جەمقورلىق اقيقاتىندا اۋعان حالقىنىڭ باسىنا ناعىز ۇلتتىق تراگەديانى الىپ كەلدى. اۋعان ۇلتتى ارمياسىنىڭ قولباسشىسى، گەنەرال-لەيتەنانت سامي سادات وسى جاعدايداردى اشىنىپ وتىرىپ The New York Times-كە جەتكىزدى.
بەكبولات قارجان،
«ادىرنا» ۇلتتىق پورتالى
