Aýǵan ulttyq armııasynyń 215-shi komandovanıesiniń qolbasshysy, general-leıtenant Samı Sadat aýǵan sarbazdarynyń nelikten tez jeńiliske ushyrap, tálipterge berilgenin habarlady.
The New York Times-ke bergen suhbatynda ol Gılmend provınııasynda Talıban radıkaldy uıymynyń jasaqtarymen 3,5 jyl shaıqasyp, úlken shyǵyndarǵa tap bolǵanyn aıtty. Keıinnen ol Kabýlge qaıtyp, arnaıy jasaqty basqardy. Ol kezde tálipter qalaǵa kirip qoıǵan. Bári de kesh bolatyn.
General-leıtenant Samı Sadattyń aıtýynsha, Aýǵannyń sarbazdary bizdiń tek «amerıkalyq seriktesterimiz bar» degen solbyr senim men ustanymdy ózderine serik etip shaıqasqan. Sondyqtan da olar amerıkalyqtarǵa senip, óz jigeri men erikterinen aıyrylyp qaldy. Men óz basym Baıden myrzanyń júzine qaraýǵa betim joq, olar da aýǵan sarbazdarynyń ishki kúızelisin túsine almady, dep ashyna aıtty.
Prezıdent Ashraf Ǵanı elden ketkennen keıin aýǵan sarbazdarynyń táliptermen kelisimge kelýiniń eshqandaı da mańyzy qalmady. Munda aýǵan armııasynyń generaldary men qolbasshylarynyń turǵyndardy evakýaııalaýǵa kómektesýi ǵana qalǵan edi.
Aýǵan armııasy táliptermen qaqtyǵysta ózderiniń áskerı materıaldyq-tehnıkalyq bazalarynan da aıyryldy. Bul bazalardyń barlyǵy da AQSh-tyń aýǵan armııasyna kómek retinde bergen qarýlary bolatyn.
Osy proedýralardyń bárine Aýǵanstan bıligindegi shekten shyqqan jemqorlyq sebep bolǵan. Ásirese, bul qaýiptiń týyndaýyna burynǵy prezıdent Ashraf Ǵanıdyń tikeleı kinási boldy. Generaldyń aıtýynsha, eldegi jeqorlyqtyń eń qatty asqynǵan tusy da aýǵan armııasynyń basshylyǵynda iske asqan.
Tutas jaılaǵan jemqorlyq aqıqatynda aýǵan halqynyń basyna naǵyz ulttyq tragedııany alyp keldi. Aýǵan ultty armııasynyń qolbasshysy, general-leıtenant Samı Sadat osy jaǵdaıdardy ashynyp otyryp The New York Times-ke jetkizdi.
Bekbolat QARJAN,
«Adyrna» ulttyq portaly
