قازاقستاندىق بوكسشى جان كوسوبۋتسكي گەرمانيانىڭ گامبۋرگ قالاسىندا بوكستان كەزەكتى جەكپە-جەگىن وتكىزدى دەپ حابارلايدى "ادىرنا" ۇلتتىق پورتالى "Sports.kz-كە" سىلتەمە جاساپ.
بۇعان دەيىن جەڭىلىپ كورمەگەن اسا اۋىر سالماقتاعى قازاقستاندىق بوكسشى جان كوسوبۋتسكي WBA International چەمپيونى بەلبەۋىن قورعاۋ ءۇشىن «تانك» دەگەن لاقاپ اتى بار امەريكالىق دجوۋي داۆەيكومەن (21-8-4, 12 كو) جۇدىرىقتاسقان.
اسا اۋىر سالماقتاعى جەكپە-جەك 12 راۋندقا سوزىلۋى ءتيىس بولاتىن. الايدا امەريكالىق سوڭىنا دەيىن شىداي المادى. قازاقستاندىق ەكىنشى راۋندتا قارسىلاسىن نوكاۋتقا جىبەرگەن.وسىلايشا جان كوسوبۋتسكي كاسىبي مانساپ جولىندا 16-شى رەت جەڭىسكە جەتتى جانە ەكىنشى دەڭگەيلى WBA اتاعىن ءساتتى قورعاپ قالدى. ال دجوۋي داۆەيكو كاسىبي رينگتە وسىمەن 9-شى رەت جەڭىلىستىڭ اششى ءدامىن تاتتى.
"ادىرنا" ۇلتتىق پورتالى.
