گرەنلانديا تاۋلارىندا وتكەن عاسىردىڭ 50-جىلدارى مەتەرولوگيالىق باقىلاۋ جۇرگىزىلە باستاعالى العاش رەت جاۋىن جاۋدى دەپ حابارلايدى "ادىرنا" ۇلتتىق پورتالى "حابار 24-كە" سىلتەمە جاساپ.
جاڭبىر بىرنەشە ساعات بويى جاۋعان. وسى كەزدە ارالدا اۋا تەمپەراتۋراسى كوتەرىلگەنى بايقالعان.
عالىمدار بۇل اۋا رايىنىڭ جاي عانا وزگەرۋى ەمەس، انومالدى قۇبىلىس دەپ وتىر. سەبەبى الداعى ۋاقىتتا مۇنداي جايتتىڭ قايتالانۋى مۇزدىقتاردىڭ تەز ەرۋىنە اكەلەدى دەگەن قاۋىپ بار.
— ورتا ەندىكتە اۋا تەمپەراتۋراسى بىرنەشە گرادۋسقا ىسىسا، اسا بايقالا قويماس. ال سولتۇستىك مۇزدى مۇحيتتا ءبىر-اق گرادۋسقا كوتەرىلسە دە، اپاتتى جاعداي تۋعىزادى. قازىر سۋ تاسقىندارى مەن اپتاپ ىستىقتىڭ جيىلەۋى — وسىنىڭ سالدارى، — دەيدى عالىم ۋولت مەيەر.
"ادىرنا" ۇلتتىق پورتالى.
