قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان نازارباەۆ نۇر-سۇلتاندا رەسەي فەدەراتسياسىنىڭ پرەمەر-ءمينيسترى ميحايل ميشۋستينمەن كەزدەستى، دەپ حابارلايدى «ادىرنا» ءتىلشىسى zakon.kz-كە سىلتەمە جاساپ.
ريا نوۆوستي حابارلاعانداي، كەزدەسۋ قىرعىزستاندا وتەتىن ەۋرازيالىق ۇكىمەتارالىق كەڭەستىڭ وتىرىسى الدىندا بولدى.
“مەن وسى ۇيىمنىڭ (ەۋرازيالىق ەكونوميكالىق وداق - رەد.) قۇرمەتتى توراعاسى رەتىندە ءبارىن باقىلاپ وتىرمىن جانە بۇل ۇيىمدى نىعايتۋىمىز كەرەك، باسقالار دا وسىندا بولاتىنداي، كورشىلەردى ايتامىن ... وزبەكستان، تاجىكستان بولۋى كەرەك، بىزگە تۇركىمەنستانمەن دە جۇمىس ىستەۋ كەرەك”،— دەدى نۇرسۇلتان نازارباەۆ.
ايتا كەتەيىك، ەاەو - كەدەن وداعى مەن ءبىرتۇتاس ەكونوميكالىق كەڭىستىك نەگىزىندە قۇرىلعان، 2015 جىلدىڭ 1 قاڭتارىنان باستاپ جۇمىس ىستەپ جاتقان حالىقارالىق ەكونوميكالىق ينتەگراتسيالىق بىرلەستىك. وعان رەسەي، ارمەنيا، بەلارۋس، قازاقستان جانە قىرعىزستان مەملەكەتتەرى مۇشە.
«ادىرنا» ۇلتتىق پورتالى
