ەلىمىزدە «التىن بەلگى» ۇمىتكەرلەرىنە تالاپ كۇشەيتىلەتىن بولادى. بۇل تۋرالى ءبىلىم جانە عىلىم ءمينيسترى اسحات ايماعامبەتوۆ ايتتى، دەپ حابارلايدى «ادىرنا» ءتىلشىسى.
«بيىل ەكىنشى كەزەڭ قامتىلادى. وندا تالاپكەرلەردىڭ جىلدىق «بەس» باعاسىمەن قاتار 5-11 سىنىپ ارالىعىندا العان بارلىق توقساندىق باعاسى دا «5» بولۋى كەرەك. بۇل وتە ماڭىزدى تالاپ. سوندىقتان وسى شەشىمدى دە قابىلداپ وتىرمىز»،— دەپ ءتۇسىندىردى مينيستر.
ايتا كەتەيىك، بيىل 9738 ۇمىتكەر قورىتىندى اتتەستاتتاۋ بارىسىندا ءوز بىلىمدەرىن راستاپ، «التىن بەلگى» يەگەرى اتاندى.
«ادىرنا» ۇلتتىق پورتالى
