Aýǵanstannyń Pandjsher provınııasynda Talıban radıkaldy qozǵalysynyń jasaqtary men aýǵan sarbazdarynyń arasynda qaqtyǵys júrip jatyr. Aýǵanstan qorǵanys mınıstri Ahmad Masýd Batys elderinen aýǵan sarbazdaryna qarý ber dep ótinish jasady. Ahmad Masýdtyń jasaǵan ótinishin Washington Post jaryqqa shyǵardy.
Washington Post óziniń maqalasynda Ahmad Shah Masýdty aýǵan halqynyń erjúrek batyry, naǵyz kóshbasshy dep atady.
Ahmad Shah Masýd "Amerıka demokratııanyń uly arsenaly, biz Amerıkaǵa senemiz! AQSh bizdiń elden ketse de, bizge kómek bere alatynyn senemiz" dep úndeý tastady. Qazir Ahmad Shah Masýdtyń qol astynda Aýǵanstannyń táýelsizdigi úshin janyn qııýǵa daıyn 10 myń sarbaz urysqa qatysyp jatyr.
Ahmad Shah Masýd Aýǵanstannyń táýelsizdik jolynda aqyrǵy demim qalǵansha kúresemiz dep sarbazdaryn jigerlendirýde.
Óziniń sózinde Ahmad Shaha Masýd:
"Bizdiń rýhymyzdy eshkim de qutala almaıdy. Bizdiń áskerı rýhymyzǵa eshkim de zııan keltire almaıdy. Bir Aýǵanstandy tálipterden azat etemiz. Bizge tek qarý kerek. Bizge áskerı bazalar kerek" dedi.
El prezıdenti Ashraf Ǵanı elden ketkennen keıin, Aýǵanstanda Ahmad Shah Masýd bastaǵan aýǵandyq áskerı kúshter Talıbandardyń bıligin moıyndamaı, ózdiginen berilýden bas tartyp, kúresti jalǵastyryp jatyr.
"Adyrna" ulttyq portaly
