شىمكەنت قالاسىنداعى حيميا – بيولوگيا باعىتىنداعى نازارباەۆ زياتكەرلىك مەكتەبىنىڭ 10-سىنىپ وقۋشىسى تازابەك ەركەبۇلان گەوگرافيا پانىنەن وتكەن حالىقارالىق وليمپيادادا (IGEO-2021) كۇمىس مەدال جەڭىپ الدى.
وليمپيادا تۇركيانىڭ ىستانبۇل قالاسىندا 10-16 تامىز ارالىعىندا ونلاين فورماتتا ءوتتى. زياتكەرلىك جارىسقا الەمنىڭ 46 ەلىنەن 200 وقۋشى قاتىستى.
وليمپياداعا اقتوبە، شىمكەنت جانە قىزىلوردا قالاسىنان ءتورت وقۋشى، ياعني رەسپۋبليكالىق پاندىك وليمپيادانىڭ جەڭىمپازدارى قاتىستى. ۇلتتىق قۇرامانى جارىسقا تاجىريبەلى پەداگوگتەر مەن جاتتىقتىرۋشىلار دايىندادى. زياتكەرلىك سايىستىڭ تاپسىرمالارىن جوعارى دەڭگەيدە ورىنداعان قازاقستاندىق ءتورت قاتىسۋشىنىڭ ۇشەۋى جۇلدەگەر اتاندى.
IGEO وليمپياداسى ءۇش بولىمنەن تۇرادى: جازباشا تەست، مۋلتيمەديالىق تەست جانە دالالىق تۋر، ونىڭ فورماتى گەوگرافيالىق جاعىنان كوپتەگەن ۇلتتىق وليمپيادالارعا ۇقساس. IGEO نەگىزىنەن قاتىسۋشىلاردىڭ كەڭىستىكتىك قاتىناستارى مەن پروتسەستەردى ءتۇسىنۋىن، سونداي-اق وسى ءبىلىمدى ءىس جۇزىندە ەكونوميكالىق ماقساتتاردا قولدانۋ قابىلەتىن تەكسەرەتىن وليمپيادا.
وسىنداي شاكىرت تاربيەلەگەن ۇستازى اقبوپە جامانقۇلقىزىنا العىس بىلدىرەمىز!
شىمكەنت قالاسى اكىمدىگىنىڭ ءباسپاسوز قىزمەتى
