شىمكەنت قالاسىنىڭ دەنە شىنىقتىرۋ جانە سپورت باسقارماسىنىڭ باسشىسى 2021 جىلى 6 ايدا اتقارىلعان جۇمىستاردى قورىتىندىلادى.
باسقارما باسشىسىنىڭ ايتۋىنشا، قالادا جىل باسىنان بەرى دەنە شىنىقتىرۋ جانە سپورتپەن جۇيەلى تۇردە شۇعىلداناتىن ازاماتتار سانى 340 305 ادام نەمەسە قالا تۇرعىندارىنىڭ جالپى سانىنان 31,2 %-ىن قۇرادى. 2021 جىلعا جوسپار 31 % بولسا، بۇل كورسەتكىش ورىندالدى.
اتاپ ايتقاندا، جالپى ءبىلىم بەرۋ مەكەمەلەرىندە - 208 457 ادام، ورتا ارنايى وقۋ ورىندارىندا - 12 095, جوعارى وقۋ ورىندارىندا - 12 817, سپورت مەكەمەلەرىندە -18 578, فيتنەس كلۋبتاردا - 17 513, سپورت فەدەراتسيالارىندا - 6895 جانە باسقا دا مەكەمەلەر مەن ۇيىمداردا 63 950 ادام جۇيەلى سپورتپەن شۇعىلدانادى.
سونداي-اق، شىمكەنت قالاسىنىڭ 2021-2025 جىلدارعا ارنالعان دامۋ باعدارلاماسىنداعى «حالىقتىڭ 1000 ادامعا شاققانداعى سپورتتىق ينفراقۇرىلىممەن ورتاشا قامتاماسىز ەتىلۋى» نىسانالى ينديكاتورىنا سايكەس، 2021 جىلى 25,1%-عا جەتكىزۋ جوسپارلانعان. قازىرگى ۋاقىتتا بۇل كورسەتكىش 25,4 % قۇراپ، جوسپار ورىندالىپ وتىر.
باسقارما دەنە شىنىقتىرۋ جانە سپورتتى دامىتۋدى ىسكە اسىرۋ ماقساتىندا نەگىزگى ءۇش باعىت بويىنشا جۇمىستار جۇرگىزەدى. اتاپ ايتقاندا، بۇقارالىق سپورتتى دامىتۋ، سپورتتىق ينفراقۇرىلىمدى دامىتۋ جانە جوعارى سپورت شەبەرلىگى باعىتىندا جۇمىستار اتقارىلۋدا.
شىمكەنت قالاسى اكىمدىگىنىڭ ءباسپاسوز قىزمەتى
