برازيليانىڭ سەنات كوميتەتى پرەزيدەنت جاير بولسونارۋ COVID-19-دان قايتىس بولعاندار سانىن گۋبەرناتورلار مەن اكىمدەر "كوبەيتىپ جىبەردى" دەپ جالعان دەرەكتەر قولدانعانىن انىقتادى، - دەپ حابارلايدى "ادىرنا" ۇلتتىق پورتالى Tengrinews.kz سايتىنا سىلتەمە جاساپ.
Deutsche Welle باسىلىمىنىڭ جازۋىنشا، پارلامەنتتىك توپ وداقتىڭ ەسەپ پالاتاسى (TCU) قىزمەتكەرى الەكساندرا ماركەستىڭ مالىمدەمەسىن قابىلداعان. ول ەل پرەزيدەنتىنە جولدانعان نەگىزگى "قۇجاتتىڭ" اۆتورى ەكەنىن مويىندادى.
"قۇجاتتى قولىنا العان سوڭ، جاير بولسونارۋ ماۋسىمدا برازيليادا COVID-19-دان قايتىس بولعاندار كەم دەگەندە 50 پايىزعا ازايدى دەپ مالىمدەدى. ول بۇل قۇجاتقا تەكسەرۋشى ورگاننىڭ رەسمي قۇجاتى سياقتى سىلتەمە جاساعان", - دەدى ماركەس.
سەنات كوميسسياسى جەتەكشىسىنىڭ ايتۋىنشا، پرەزيدەنت بۇل مالىمدەمەنى 2020 جىلدىڭ ماۋسىمىندا، ەلدە كوروناۆيرۋستان 475 مىڭنان اسا ادام قايتىس بولعان كەزدە جاساعان. ال، اكىمدەر مەن گۋبەرناتورلاردى بۇل مالىمەتتى مەملەكەتتەن قارجى الۋ ءۇشىن كوبەيتىپ ايتتى دەپ ايىپتاعان.
ماركەستىڭ ايتۋىنشا، پرەزيدەنت حابارلاما توپتارىندا تاراتقان "قۇجاتقا" TCU لوگوتيپى قوسىلعان. الايدا ول پرەزيدەنتكە جىبەرگەن نەگىزگى "قۇجاتتا" جوق بولعان.
سەناتور راندولف رودريگەس، كوميسسيانىڭ ۆيتسە-پرەزيدەنتى TCU لوگوتيپىن "ونى رەسمي ەتۋ ءۇشىن" ەنگىزۋ جالعان اقپارات تاراتۋدان گورى ماڭىزدى بولۋى مۇمكىن دەدى.
بۇعان دەيىن برازيليا جوعارعى سوتى پرەزيدەنت جايرا بولسونارۋدىڭ پاندەميا جاعدايىنداعى ارەكەتتەرى بويىنشا تەرگەۋدى باستاۋدى ماقۇلداعان بولاتىن.
"ادىرنا" ۇلتتىق پورتالى
