Brazılııanyń senat komıteti prezıdent Jaır Bolsonarý COVID-19-dan qaıtys bolǵandar sanyn gýbernatorlar men ákimder "kóbeıtip jiberdi" dep jalǵan derekter qoldanǵanyn anyqtady, - dep habarlaıdy "Adyrna" ulttyq portaly Tengrinews.kz saıtyna silteme jasap.
Deutsche Welle basylymynyń jazýynsha, parlamenttik top Odaqtyń esep palatasy (TCU) qyzmetkeri Aleksandra Markestiń málimdemesin qabyldaǵan. Ol el prezıdentine joldanǵan negizgi "qujattyń" avtory ekenin moıyndady.
"Qujatty qolyna alǵan soń, Jaır Bolsonarý maýsymda Brazılııada COVID-19-dan qaıtys bolǵandar kem degende 50 paıyzǵa azaıdy dep málimdedi. Ol bul qujatqa tekserýshi organnyń resmı qujaty sııaqty silteme jasaǵan", - dedi Markes.
Senat komıssııasy jetekshisiniń aıtýynsha, prezıdent bul málimdemeni 2020 jyldyń maýsymynda, elde koronavırýstan 475 myńnan asa adam qaıtys bolǵan kezde jasaǵan. Al, ákimder men gýbernatorlardy bul málimetti memleketten qarjy alý úshin kóbeıtip aıtty dep aıyptaǵan.
Markestiń aıtýynsha, prezıdent habarlama toptarynda taratqan "qujatqa" TCU logotıpi qosylǵan. Alaıda ol prezıdentke jibergen negizgi "qujatta" joq bolǵan.
Senator Randolf Rodrıges, komıssııanyń vıe-prezıdenti TCU logotıpin "ony resmı etý úshin" engizý jalǵan aqparat taratýdan góri mańyzdy bolýy múmkin dedi.
Buǵan deıin Brazılııa Joǵarǵy soty prezıdent Jaıra Bolsonarýdyń pandemııa jaǵdaıyndaǵy áreketteri boıynsha tergeýdi bastaýdy maquldaǵan bolatyn.
"Adyrna" ulttyq portaly
