Aýǵan máselesi boıynsha AQSh-tyń memlekettik hatshysy Entonı Blınken men Qytaıdyń syrtqy ister mınıstri Van I sózge kelip qaldy. Telefon arqyly sóılesý barysynda Qytaıdyń syrtqy ister mınıstri AQSh-tyń birneshe qatelikterin basyp aıtty.
Sóz barysynda Vaı I AQSh-tyń 20 jylǵy Aýǵanstandaǵy mıssııasynyń perspektıvasy joq ári eshqandaı da saıası-qoǵamdyq model jasaı almady. Sondyqtan da Aýǵan máselesi sheshimi tabylmaǵan kúrdeli másele bolyp sol boıy qaldy, dep AQSh-ty aıyptady.
"Bul árıne, óte úlken strategııalyq táýekeldi talap etedi. Eger de AQSh terrorızmmen kúreste Qytaı jaǵynda bolǵanda, bul Pekın men Vashıngtonnyń arasyndaǵy dıplomatııalyq qarym-qatynastyń da jaqsarýyna septigin tıgizer edi" dep toqtady.
Qytaı elshisi AQSh-tyń Aýǵanstanǵa kórsetken kómegin joqqa shyǵarmady.
Aýǵan máselesi boıynsha AQSh tarapy Qytaımen birlese otyryp, terrorızmmen kúresýge qulyq tanytpady, sondyqtan da AQSh óziniń Aýǵan jerindegi mıssııasyn aıaqsyz qaldyryp otyr, dep túıindeı ketti Qytaıdyń syrtqy ister mınıstri.
Bekbolat QARJAN,
"Adyrna" ulttyq portaly
