قازاقستان پرەزيدەنتى قاسىم-جومارت توقاەۆ اۋعانستاندا قالىپتاسقان جاعدايعا بايلانىستى كەشەلى بەرى ەكىنشى رەت جيىن وتكىزدى. بۇل تۋرالى بەرىك ءۋالي جازدى، دەپ حابارلايدى «ادىرنا» ءتىلشىسى.
جيىنعا پرەمەر-مينيستر اسقار مامين، كۇشتىك قۇرىلىمداردىڭ، اتاپ ايتقاندا، ۇلتتىق قاۋىپسىزدىك كوميتەتى، سىرتقى ىستەر، قورعانىس، ىشكى ىستەر، توتەنشە جاعدايلار مينيسترلىكتەرى، باس پروكۋراتۋرا، مەملەكەتتىك كۇزەت قىزمەتى باسشىلارى مەن قاۋىپسىزدىك كەڭەسىنىڭ حاتشىسى قاتىستى.
«اۋعانستان يسلام رەسپۋبليكاسىنداعى جاعدايعا بايلانىستى قازاقستاننىڭ ۇلتتىق مۇددەسىن ەسكەرە وتىرىپ، شۇعىل ارەكەت ەتۋ شارالارى جانە ءبىزدىڭ ەلدىڭ ازاماتتارىنىڭ قاۋىپسىزدىگىن قامتاماسىز ەتۋ ماسەلەلەرى تالقىلاندى.
پرەزيدەنت قۇزىرلى مەكەمەلەرگە اۋعانستانداعى جاعدايدى جان-جاقتى باقىلاۋدا ۇستاۋدى تاپسىردى. بۇل وسى ەلمەن بۇدان بىلايعى ىنتىماقتاستىق بويىنشا شەشىم قابىلداۋ ءۇشىن اسا ماڭىزدى»،– دەدى ءباسپاسوز حاتشىسى.
«ادىرنا» ۇلتتىق پورتالى
