تالىپتەر كابۋلدى الدى. 32 000 000 حالقى بار ەل عوي. ونىڭ 20 ميليونعا جۋىعى ايەل زاتى. سول 20 000 000 ايەل جىنىستى اۋعان حالقى بۇدان ءارى مەكتەپكە بارمايدى، ۇيدەن ەر ادامسىز شىقپايدى; قاپ كيىپ جۇرەدى; ياعني، بۇدان بىلاي حالىقتىڭ تەڭ جارتىسى تازا نادان ءارى جۇمىسسىز; مۇگەدەك سىيپاتىندا.
بۇنى نەگە جازىپ وتىرمىن؟
نۇر-سۇلتاننىڭ كوشەسىندە ساقالىن ساپسيتىپ قويىپ، ايەلىنە قاپ كيگىزىپ ەرتىپ جۇرگەن ۇلىمىزداي ادامعا توزىممەن قاراۋعا ءماجبۇرمىز. سەبەبى: ولاردى ءبىزدىڭ زاڭىمىز قورعايدى.
سوندا ءبىزدىڭ زاڭ كىمدى قورعاپ تۇر. قازاقتىڭ قىزىن، قازاق مەملەكەتىنىڭ ازاماتىن اتا زاڭدا بەلگىلەگەن قۇقىعىنان ايىرىپ، ءبىلىم الۋ، مەكەمە - ۇيىمداردا جۇمىس ىستەۋ، اينالامەن ادمي قارىم-قاتىناس جاساۋ قۇقىعىنان ايىرىپ ەركەكتىك جەكە مەنشىك قۇلعا اينالدىرعان كىسىنى قورعاپ تۇر; ۇلتسىزدىق پەن عىلىمسىزدىقتى اشىق ايتىپ، مەملەكەت زاڭىن ەلەمەي، ەلىمىز اۋماعىندا “شاريعات زاڭىمەن” جۇرگەن زاڭ بۇزۋشىنى قورعاپ تۇر. بۇرىندا وتار — بودان كەزىمىزدە ءدىن ۇلتتى ساقتاۋشى فاكتر سىياقتى دارىپتەلەتىن. قازىر ونداي ءدىن جوق.
قازىر شە؟ دىن ەركىندىگى مەن ءدىن قاتەرى ءبىر ءسوز. وتكەندە اتىراۋ وبلىسىندا 25 مەشىت سالىنادى دەگەن حابار تارادى. نەدەگەن كوپ قۇلشىلىق ءۇيى.
قازىردە دىن — عىلىمسىزدىق جانە ۇلتسىزدىق.
ۇلتتىق مەملەكەتتىڭ بارلىق قاتەرى — جويىلۋ قاۋپى ءوز ازاماتتارىنىڭ عىلىمنان جانە ۇلتتان بەزۋىنەن باستالادى.
قازىرگى ءدىن وي-سانا وباسى سىياقتى تىم تەز جۇعىپ، تىم تەز تارايدى. بۇعان مەملەكەتتىك ماشينامەن توسقاۋىل قويماساق مىنا كەڭ بايتاق دالامىزدا ءوز قازاعىمىز باستاعان قىرىق قۇراۋ تاليبان ءالى-اق شاڭداتىپ جوسىپ جۇرەتىن بولادى.
ءدىن ناسيحاتىندا جۇرگەن يمامدار مەن نامازحان قازاقتاردان — باۋىرلارىمنان وتىنەرىم تاۋەلسىز مەملەكەتتەن قۇندى ەش قۇبىلىس جوق ەكەنىن بارىنشا دارىپتەسەڭدەر ەكەن. حالىقتى و دۇنيەگە قىزىقتىرىپ، جاپىرا قۇلشىلىققا جىقپاساڭىزدار ەكەن. ءومىردى — مىنا دۇنيەنى — وتاندى، ۇلتتى “بەس كۇندىك جالعان” دەگەن ءسوزدى قولدانباساڭدار ەكەن!
ءار قازاق دىنگە ساق بول!
