Tálipter Kabýldy aldy. 32 000 000 halqy bar el ǵoı. Onyń 20 mılıonǵa jýyǵy áıel zaty. Sol 20 000 000 áıel jynysty Aýǵan halqy budan ári mektepke barmaıdy, úıden er adamsyz shyqpaıdy; qap kıip júredi; ıaǵnı, budan bylaı halyqtyń teń jartysy taza nadan ári jumyssyz; múgedek syıpatynda.
Buny nege jazyp otyrmyn?
Nur-Sultannyń kóshesinde saqalyn sapsıtyp qoıyp, áıeline qap kıgizip ertip júrgen ulymyzdaı adamǵa tózimmen qaraýǵa májbúrmiz. Sebebi: olardy bizdiń zańymyz qorǵaıdy.
Sonda bizdiń zań kimdi qorǵap tur. Qazaqtyń qyzyn, qazaq memleketiniń azamatyn ata zańda belgilegen quqyǵynan aıyryp, bilim alý, mekeme - uıymdarda jumys isteý, aınalamen admı qarym-qatynas jasaý quqyǵynan aıyryp erkektik jeke menshik qulǵa aınaldyrǵan kisini qorǵap tur; ultsyzdyq pen ǵylymsyzdyqty ashyq aıtyp, memleket zańyn elemeı, elimiz aýmaǵynda “sharıǵat zańymen” júrgen zań buzýshyny qorǵap tur. Burynda otar — bodan kezimizde din ultty saqtaýshy faktr syıaqty dáripteletin. Qazir ondaı din joq.
Qazir she? Din erkindigi men din qateri bir sóz. Ótkende Atyraý oblysynda 25 meshit salynady degen habar tarady. Nedegen kóp qulshylyq úıi.
Qazirde Din — ǴYLYMSYZDYQ jáne ULTSYZDYQ.
Ulttyq memlekettiń barlyq qateri — joıylý qaýpi óz azamattarynyń ǵylymnan jáne ulttan bezýinen bastalady.
Qazirgi din OI-SANA OBASY syıaqty tym tez juǵyp, tym tez taraıdy. Buǵan MEMLEKETTIK MAShINAMEN tosqaýyl qoımasaq myna keń baıtaq dalamyzda óz qazaǵymyz bastaǵan QYRYQ QURAÝ TALIBAN áli-aq shańdatyp josyp júretin bolady.
DIN NASIHATYNDA JÚRGEN IMAMDAR MEN NAMAZHAN QAZAQTARDAN — baýyrlarymnan ótinerim TÁÝELSIZ MEMLEKETTEN QUNDY ESh QUBYLYS JOQ EKENIN BARYNShA DÁRIPTESEŃDER EKEN. Halyqty o dúnıege qyzyqtyryp, japyra qulshylyqqa jyqpasańyzdar eken. Ómirdi — myna dúnıeni — otandy, ultty “BES KÚNDIK JALǴAN” degen sózdi qoldanbasańdar eken!
ÁR QAZAQ DINGE SAQ BOL!
