قۇلاعان مي-8 ۇشاعىنىڭ جانىنداعى كۋريل كولىنەن ۇشقىشتى قوسا ەسەپتەگەندە ءۇش ادامنىڭ ءمايىتى تابىلدى، دەپ حابارلايدى "ادىرنا" پورتالى.
ريا نوۆوستي كامچاتكا ولكەسىنىڭ گۋبەرناتورى ۆلاديمير سولودوۆقا سىلتەمە جاساي وتىرىپ، ۇشقىشتىڭ ءمايىتى جاعاعا كوتەرىلگەنىن، سۋ تۇبىندە تىكۇشاق سىنىقتارىنىڭ قاسىنان تاعى ەكى ادامنىڭ ءمايىتى تابىلعانىن حابارلايدى. ىزدەۋ وپەراتسياسى كۇندىزگى ۋاقىتقا جوسپارلانعان.
12 تامىزدا كامچاتكانىڭ وڭتۇستىگىندەگى كۋريل كولىنە مي-8 تىكۇشاعى قۇلاعانى بەلگىلى بولدى. بورتتا ءۇش ەكيپاج مۇشەسى مەن 13 جولاۋشى بولدى، ونىڭ ىشىندە ءبىر بالا بولعان. سەگىز ادام ءتىرى قالدى، ولاردىڭ ەكەۋى رەانيماتسيادا. تورتەۋى زارداپ شەككەن جوق.
قۇقىق قورعاۋ ورگاندارى قوزعالىس قاۋىپسىزدىگى مەن اۋە كولىگىنىڭ جۇمىسى ەرەجەلەرىن بۇزۋ فاكتىسىن تەرگەۋدە.
"ادىرنا" ۇلتتىق پورتالى
