كانادا تاليبان لاڭكەستىك توبى قاۋىپ توندىرگەن 20 مىڭ اۋعاندىقتاردى قابىلدايدى، دەپ حابارلايدى "ادىرنا" ۇلتتىق پورتالى lenta.ru سايتىنا سىلتەمە جاساپ.
ء"بىزدىڭ توپتار، مۇندا جانە بۇكىل الەمدە مۇمكىندىگىنشە كوپ ادامدى قاۋىپسىز جەرگە جەتكىزۋ ءۇشىن جۇمىس ىستەيدى", - دەلىنگەن كانادا ۇكىمەتىنىڭ حابارلاماسىندا.
ماتىندە بۇل ءبىرىنشى كەزەكتە كانادا بيلىگىنىڭ قىزمەتىنە ۇلەس قوسقان ازاماتتار تۋرالى، سونداي -اق وسال توپتار تۋرالى ايتىلادى. ولاردىڭ ىشىندە كانادا بيلىگى بەلسەندىلەردى، قۇقىق قورعاۋشىلاردى، جۋرناليستەردى، ءدىن قىزمەتكەرلەرى، لگبت قوعامداستىعىنىڭ وكىلدەرىن جانە بۇرىن ەميگراتسياعا كەتكەن اۋدارماشىلاردىڭ وتباسى مۇشەلەرىن تىزىمگە ەنگىزدى.
امەريكالىق اسكەرلەر شىعارىلاتىنى تۋرالى حابارلانعاننان كەيىن «تاليبان» لاڭكەستىك توبى اۋعان ارمياسىنىڭ پوزيتسياسىنا جىلدام شابۋىل جاسادى. اۋعانستان ۇكىمەتىنىڭ جاعدايى كۇن سايىن كۇردەلەنە تۇسۋدە. وتكەن اپتادا تالىپتەر 16 پروۆينتسيانىڭ استانالارىن باسىپ الدى. ەسەپتە ايتىلعانداي، 12 تامىزدا ەكى ءىرى قالا قۇلادى: ەلدەگى ەكىنشى ۇلكەن قالا قانداحار جانە كەلەسى گەرات.
1979 جىلدان بەرى اۋعانستانداعى ازاماتتىق سوعىس ءجۇرىپ جاتىر. مەملەكەت ەڭ كەدەي ەلدەردىڭ تىزىمىنە ەنگىزىلگەن. اۋعانستان بيۋدجەتى كوبىنەسە ءۇشىنشى ەلدەردىڭ قارجىلىق ينەكتسياسىنا بايلانىستى.
"ادىرنا" ۇلتتىق پورتالى
