رەسەي مەن ليتۆانىڭ اراسىنداعى ديپلوماتيالىق كيكىلجىڭگە بايلانىستى داۋدىڭ باسى تاعى ۋشىقتى. ەكى ەل اراسىنداعى ديپلوماتيالىق پروتسەدۋراعا بايلانىستى رەسەي قىتايعا بىرلەسە وتىرىپ، ليتۆانىڭ جازاسىن بەرۋدى ۇسىندى. رەسەيدىڭ بۇل ارەكەتىنە شىعىستاعى كاممۋنيست دەرجاۆا دا كەلىسە كەتتى.
بۇگىن قىتايلىق Global Times گازەتىندە قىتاي ۇكىمەتىنىڭ رەسەيدى قولدايتىن رەسمي مالىمەتى جارىق كوردى. وندا بىلاي دەپ جازىلىپتى:
"قىتاي مەن رەسەي وزدەرىنىڭ ساياسي، ەكونوميكالىق مۇددەلەرىن بىرگە قورقاۋعا قاۋقارلى. سونىمەن قاتار اقش-تىڭ ايتاعىنا ەرىپ، بىزگە زيان كەلتىرەتىن ەلدەرگە دە سوققى جاساۋعا دايىن. ءبىز بۇل جايىندا وزگە ەلدەرگە دە ەسكەرتەمىز. قىتاي اقش-تىڭ ايتاعىنا ەرىپ، رەسەيگە زيانىن تيگىزىپ وتىرعان ەلدەردىڭ مۇنداي ارەكەتتەرىنە قاراپ وتىرمايدى. ەگەر دە حالىقارالىق نورمالار مەن پرينتسيپتەردى بۇزاتىن بولسا، ولاردىڭ دا جاۋاپ بەرۋىنە تۋرا كەلەدى",-دەلىنگەن.
اقش پەن شىعىستاعى ەكى كاممۋنيست دەرجاۆالارىنىڭ اراسىندا اۋعانستان ماسەلەسى بويىنشا دا ۇلكەن كيكىلجىڭدەر ءجۇرىپ جاتىر.
بۇگىن عانا اقش-تىڭ مەملەكەتتىك دەپارتامەنتى مەن اق ءۇي اكىمشىلىگى اۋعانستانعا بىتىمگەرلىك اسكەرىن قايتا كىرگىزەتىنىن مالىمدەگەنى سول ەدى، قىتاي تاراپى دا ءوزىنىڭ اقش-قا قارسى ۇستانىمىن كورسەتىپ ۇلگەردى.
بەكبولات قارجان،
"ادىرنا" ۇلتتىق پورتالى
