«تاليبان» قوزعالىسى (رەسەي فەدەراتسياسىندا تەرروريستىك دەپ تانىلعان جانە تىيىم سالىنعان) ماۋسىمنىڭ 15-ءى مەن 18-ءى ارالىعىندا وتەتىن ححV سانكت-پەتەربۋرگ حالىقارالىق ەكونوميكالىق فورۋمىنا (SPIEF) ءوز وكىلىن جىبەرەدى. بۇل تۋرالى تاسس ديپلوماتيالىق ورتاداعى دەرەككوزگە سىلتەمە جاساپ جاريالادى، دەپ حابارلايدى “ادىرنا” ۇلتتىق پورتالى.
تاليباننىڭ اتىنان ماسكەۋدەگى اۋعانستان ىستەرى جونىندەگى ۋاقىتشا سەنىمدى وكىلى دجامال ناسير گارحۆال قاتىسادى دەپ كورسەتىلگەن.
ءساۋىر ايىنىڭ باسىندا رەسەي ديپلوماتيالىق قىزمەتى اۋعانستان ەلشىلىگىنە گارحۆالدى اۋعانستاننىڭ ماسكەۋدەگى ۋاقىتشا سەنىمدى وكىلى دەپ تانۋ تۋرالى نوتا جولدادى. ءساۋىر ايىنىڭ سوڭىندا گارحۆالدىڭ جۇمىسقا كىرىسىپ كەتكەنى بەلگىلى بولدى.
بۇعان دەيىن روسبالت SPIEF-ءتىڭ بىرقاتار قاتىسۋشىلارى ۇيىمداستىرۋشىلاردان جۇمىس ورنى تۋرالى اقپاراتتى جاسىرۋدى سۇراعانىن حابارلاعان.
“ادىرنا” ۇلتتىق پورتالى
