اتىراۋدا ۆاكتسينا سالدىرعان تاعى 10 ادامعا اقشالاي ۇتىس تاپسىرىلدى.
«ۆاكتسينا سال دا، اقشالاي سىيلىققا يە بول!» ۇتىسىنىڭ 11 تامىزدا ءتورتىنشى كەزەڭى قورىتىندىلانىپ، 10 جەڭىمپاز انىقتالدى. ولاردىڭ ارقايسىسى 200 مىڭ تەڭگەنىڭ سەرتيفيكاتىنا يە بولدى.
جەڭىمپازدار قاتارىندا تۇركىستاندىق بايقونىس سارسەمباەۆ تا بار. ول اتىراۋعا اۋىسىمدىق جۇمىسقا كەلىپ، جەرگىلىكتى ۆاكتسيناتسيالاۋ پۋنكتىنەن ەكپە العان.
- وتە قۋانىشتىمىن! بۇيىرعان كەتپەيدى ەكەن. جۇمىسقا بارار الدىندا، ءوز دەنساۋلىعىم ءۇشىن ەكپە العانمىن. بىراق، اقشا ۇتامىن دەپ مۇلدە ويلاماعان ەدىم، – دەيدى ب.سارسەمباەۆ.
ەسكە سالا كەتەيىك، اتىراۋدا اتالعان ۇتىس ويىنى بيىلعى جىلدىڭ 30-شى ماۋسىمىنان باستالدى.
وسى ۋاقىتقا دەيىن، 32 جەڭىمپاز انىقتالدى.
ونىڭ ەكەۋى 3 ميلليون تەڭگەنىڭ يەگەرى. ۇتىس ويىنى قازان ايىنا دەيىن جالعاسادى. ال، قىركۇيەكتە وسى ايدىڭ سوڭىنا دەيىن ۆاكتسيناتسيالانعاندار اراسىندا 1 ميلليون تەڭگەلىك سەرتيفيكاتتار ويناتىلادى.
ەسكە سالا كەتەلىك، "ازاماتتىق اليانس" ۇيىمىنىڭ باستاماسىمەن ىسكە قوسىلعان ۇتىس اكتسيا سىنىڭ جالپى جۇلدە قورى - 40 ميلليون تەڭگە.
