رەسەي سىرتقى ىستەر مينيسترلىگى بلوگەرلەردىڭ ءبىرى جۇرگىزگەن تىلدىك رەيدتەردىڭ قازاقستاندا پايدا بولۋى ماسەلەسى بويىنشا تاعى دا ءسوز قوزعادى. ولاردىڭ ماقساتى قىزمەت كورسەتۋ سالاسىندا مەملەكەتتىك ءتىلدىڭ قولدانىلۋىن باقىلاۋ بولاتىن.
بۇعان دەيىن "تىلدىك رەيدتەرگە" قاتىستى قازاقستان رەسپۋبليكاسى پرەزيدەنتى اكىمشىلىگى باسشىسىنىڭ ءبىرىنشى ورىنباسارى داۋرەن اباەۆ پىكىر ءبىلدىرىپ، ونى "جابايى ۇلتشىلدىق" دەپ اتاعان بولاتىن.
"قازاقستان رەسپۋبليكاسىمەن قارىم -قاتىناسىمىزدىڭ دەڭگەيى ءتۇرلى الاڭداتارلىق جاعداي بويىنشا بىرلەسكەن شارالاردى جەدەل قابىلداۋعا مۇمكىندىك بەرەدى. ول ءۇشىن قولدانىستاعى تىكەلەي بايلانىس ارنالارى قولدانىلادى. ياعني ديپلوماتتار، قۇقىق قورعاۋ جانە ادىلەت ورگاندارى، سونداي -اق پرەزيدەنتتىك اكىمشىلىكتەر. بۇل تۋرالى قازاقستان رەسپۋبليكاسى پرەزيدەنتى اكىمشىلىگى باسشىسىنىڭ ءبىرىنشى ورىنباسارى داۋرەن اباەۆتىڭ مالىمدەمەسى كورسەتەدى. ءبىز ونىڭ بيلىكتىڭ "جابايى ۇلتشىلدىق" كورىنىستەرىن قاتاڭ تۇردە باسۋعا دايىن ەكەندىگى تۋرالى ايتقانىن اتاپ وتكىمىز كەلەدى. ءبىز بۇل ۇستانىمدى تولىق قولدايمىز", - دەيدى رەسەي ءسىم اقپارات جانە ءباسپاسوز دەپارتامەنتىنىڭ ديرەكتورى نيكولاي لاحونين.
"ادىرنا" ۇلتتىق پورتالى
