Reseı Syrtqy ister mınıstrligi blogerlerdiń biri júrgizgen tildik reıdterdiń Qazaqstanda paıda bolýy máselesi boıynsha taǵy da sóz qozǵady. Olardyń maqsaty qyzmet kórsetý salasynda memlekettik tildiń qoldanylýyn baqylaý bolatyn.
Buǵan deıin "tildik reıdterge" qatysty Qazaqstan Respýblıkasy Prezıdenti Ákimshiligi Basshysynyń birinshi orynbasary Dáýren Abaev pikir bildirip, ony "jabaıy ultshyldyq" dep ataǵan bolatyn.
"Qazaqstan Respýblıkasymen qarym -qatynasymyzdyń deńgeıi túrli alańdatarlyq jaǵdaı boıynsha birlesken sharalardy jedel qabyldaýǵa múmkindik beredi. Ol úshin qoldanystaǵy tikeleı baılanys arnalary qoldanylady. Iaǵnı dıplomattar, quqyq qorǵaý jáne ádilet organdary, sondaı -aq prezıdenttik ákimshilikter. Bul týraly Qazaqstan Respýblıkasy Prezıdenti Ákimshiligi Basshysynyń birinshi orynbasary Dáýren Abaevtyń málimdemesi kórsetedi. Biz onyń bıliktiń "jabaıy ultshyldyq" kórinisterin qatań túrde basýǵa daıyn ekendigi týraly aıtqanyn atap ótkimiz keledi. Biz bul ustanymdy tolyq qoldaımyz", - deıdi Reseı SIM Aqparat jáne baspasóz departamentiniń dırektory Nıkolaı Lahonın.
"Adyrna" ulttyq portaly
