بەيبارىستىڭ ويۋى
كاير قالاسىنداعى 970 جىلدارى اشىلعان ءال-ءازحار ۋنيۆەرسيتەتىنىڭ مەشىتىن ارالاپ جۇرگەنىمدە ەسىكتەرىنىڭ توبەسىندەگى مىنا قازاقى ويۋ-ورنەكتەردى كورىپ تاڭ-تاماشا بولدىم. سويتسەم بۇلاردى بەيبارىس سۇلتان 1260 جىلدارى مەشىتكە رەستاۆراتسيا جاساتقاندا قويدىرىپتى.
...قايران بابام، مەن سەنى تەك جۇرەك جۇتقان باتىر بولعان شىعار دەپ جۇرسەم، سول جۇتقان جۇرەگىڭدە ەلىڭە دەگەن ساعىنىشتى ايالاي بىلگەن رومانتيك تە بولعان ەكەنسىڭ عوي. بۇل ويۋلاردى نە ءۇشىن جاساتتىڭ؟ مەشىتكە كىرگەن سايىن قوشقار ءمۇيىز ويۋلاردى كورىپ ساعىنىشىڭدى باسقىڭ كەلدى مە؟ الدە بۇل ويۋلار ءتۇبى كىم ەكەنىمدى، قايدان كەلگەنىمدى ۇمىتتىرمايتىن ەستەلىك بولسىن دەپ جاساتتىڭ با؟ بالكىم بۇل ويۋ-ورنەكتەر اراعا عاسىرلار سالىپ دەشتى-قىپشاق دالاسىنان سەنى جوقتاپ كەلەتىن ۇرپاعىڭا قالدىرعان حاتىڭ شىعار؟...
كەشەدەن بەرى ويىمنان كەتپەي قويدى. بۇگىن كۇندىز بارىپ ۆيدەوعا دا ءتۇسىرىپ الدىم. مەشىتتى جالعىز ءجۇرىپ، جاقسىلاپ ارالادىم. مەشىتتىڭ كۇمبەزى، مۇناراسى ءبىر توبە بولسا، ويۋ-ورنەكتەرى ءبىر توبە.
- S. رۋحاني يمۋنيتەت قوي، ءيا؟ ءبىر ەلگە قۇل بولىپ كەلەسىڭ دە جىلدار وتكەن سوڭ سول ەلدىڭ پاتشاسى اتاناسىڭ. ءسويتىپ قانداي دا ءبىر قۇرىلىس باستالا قالسا ساۋلەتشىگە عيماراتتارعا قازاقشا ويۋ-ورنەكتەردى سالۋدى بۇيىراسىڭ.
بىزدەگى اسىرە ءدىنشىل قازاقتار قالاي اراب بولامىز دەپ تىراشتانىپ ءجۇر عوي. ال بەيبارىس سۇلتان بولسا XIII عاسىردىڭ وزىندە قالىڭ ارابتىڭ اراسىندا ءجۇرىپ ويۋ-ورنەگىن ۇلتىنىڭ اشەكەيى رەتىندە پاش ەتكەن عوي………..
رومان بۇرقاشتىڭ
فەيسبۋك پاراقشاسىنان
