مىسىردىڭ سيناي تۇبەگىنىڭ وڭتۇستىگىندە بولعان جول-كولىك وقيعاسىنان كەمىندە 22 ادام قازا تاۋىپ، تاعى 29 ادام جاراقات الدى. بۇل تۋرالى Sky News جازدى، دەپ حابارلايدى «ادىرنا» ءتىلشىسى.
بۇعان دەيىن 16 ادامنىڭ قازا تاپقانى تۋرالى اقپارات تاراعان بولاتىن.
داحاب پەن نۋۆەيبا قالالارى اراسىنداعى جولدا تۋريستەر مىنگەن اۆتوبۋس اۋدارىلىپ كەتكەن. جاراقات العاندار شارم-ەش-شەيح، اۋليە ەكاتەرينا جانە ءال-فايرۋز قالالارىنداعى اۋرۋحانالارعا جەتكىزىلگەن.
يوردانيانىڭ Al-Mamlaka تەلەارناسىنىڭ مالىمەتىنشە، اۆتوبۋس جولاۋشىلارىنىڭ اراسىندا يوردانيا ازاماتتارى دا بولعان. ولاردىڭ 10-ى قازا تاپقان. يوردانيا سىرتقى ىستەر مينيسترلىگى ءوز ازاماتتارىنىڭ قازا بولعانىن راستاعانىمەن، ناقتى سانىن جاريالامادى.
اپاتتىڭ سەبەپتەرى ازىرگە ايتىلعان جوق.
ۇقساس جاڭالىقتار
