Beıbarystyń oıýy
Kaır qalasyndaǵy 970 jyldary ashylǵan Ál-ázhar ýnıversıtetiniń meshitin aralap júrgenimde esikteriniń tóbesindegi myna qazaqy oıý-órnekterdi kórip tań-tamasha boldym. Sóıtsem bulardy Beıbarys Sultan 1260 jyldary meshitke restavraııa jasatqanda qoıdyrypty.
...Qaıran babam, men seni tek júrek jutqan batyr bolǵan shyǵar dep júrsem, sol jutqan júregińde elińe degen saǵynyshty aıalaı bilgen romantık te bolǵan ekensiń ǵoı. Bul oıýlardy ne úshin jasattyń? Meshitke kirgen saıyn qoshqar múıiz oıýlardy kórip saǵynyshyńdy basqyń keldi me? Álde bul oıýlar túbi kim ekenimdi, qaıdan kelgenimdi umyttyrmaıtyn estelik bolsyn dep jasattyń ba? Bálkim bul oıý-órnekter araǵa ǵasyrlar salyp Deshti-Qypshaq dalasynan seni joqtap keletin urpaǵyńa qaldyrǵan hatyń shyǵar?...
Kesheden beri oıymnan ketpeı qoıdy. Búgin kúndiz baryp vıdeoǵa da túsirip aldym. Meshitti jalǵyz júrip, jaqsylap araladym. Meshittiń kúmbezi, munarasy bir tóbe bolsa, oıý-órnekteri bir tóbe.
- S. Rýhanı ımýnıtet qoı, ıá? Bir elge qul bolyp kelesiń de jyldar ótken soń sol eldiń patshasy atanasyń. Sóıtip qandaı da bir qurylys bastala qalsa sáýletshige ǵımarattarǵa qazaqsha oıý-órnekterdi salýdy buıyrasyń.
Bizdegi ásire dinshil qazaqtar qalaı arab bolamyz dep tyrashtanyp júr ǵoı. Al Beıbarys Sultan bolsa XIII ǵasyrdyń ózinde qalyń arabtyń arasynda júrip oıý-órnegin ultynyń áshekeıi retinde pash etken ǵoı………..
Roman BURQAShTYŃ
feısbýk paraqshasynan
