Sinopharm قىتاي ۆاكتسيناسىنىڭ العاشقى پارتياسى قازاقستانعا كەلدى، دەپ حابارلايدى «ادىرنا» ءتىلشىسى دسم ءباسپاسوز قىزمەتىنە سىلتەمە جاساپ.
«2021 جىلعى 10 تامىزدا قىتاي حالىق رەسپۋبليكاسىمەن جۇرگىزىلگەن كەلىسسوزدەردىڭ قورىتىندىسى بويىنشا كوروناۆيرۋسقا قارسى sinopharm ۆاكتسيناسىنىڭ ءبىرىنشى پارتياسى بار ۇشاق الماتىعا سك-فارماتسيا بىرىڭعاي ديستريبيۋتورىنىڭ قويمالارىنا كەلدى. قر-دا كوروناۆيرۋستى تاراتپاۋ جونىندەگى ۆەدومستۆوارالىق كوميسسيا مەن قر دەنساۋلىق ساقتاۋ مينيسترلىگىنىڭ تاپسىرماسى نەگىزىندە بىرىڭعاي ديستريبيۋتور بەيجىڭ بيولوگيالىق ونىمدەر ينستيتۋتى ازىرلەگەن Covid-19 sinopharm ۆاكتسيناسىنىڭ 4 ملن.دوزاسىن ساتىپ الۋدى جۇزەگە اسىردى»،— دەلىنگەن حابارلامادا.
Sinopharm قىتاي ۆاكتسيناسىنىڭ ءبىرىنشى پارتياسى 1 ملن. دوزادان تۇرادى. Sinopharm ۆاكتسيناسى جاقىن كۇندەرى قازاقستان رەسپۋبليكاسىنىڭ ازاماتتارىنا كوروناۆيرۋستىق ينفەكتسياعا قارسى ۆاكتسيناتسيالاۋ ءۇشىن قول جەتىمدى بولاتىن قر-دا بەسىنشى تىركەلگەن ۆاكتسينا بولادى.
سينوفارمنىڭ قىتاي ۆاكتسيناسى ددۇ-مەن 2021 جىلدىڭ 7 مامىرىندا قولدانۋعا ماقۇلدادى. ۆاكتسينا بەلسەندى ەمەس، ەكى دوزالى. ساقتاۋ مەرزىمى - 24 اي. شىلدەدە قىتايدىڭ Sinopharm كومپانياسىنىڭ COVID-19 ۆاكتسيناسى COVAX ۆاكتسينالار بانكىنە كىردى. ۆاكتسينالار مەن يممۋنداۋدىڭ جاھاندىق اليانسى (GAVI) قىتايلىق Sinopharm كومپانياسىمەن كەلىسىم جاسايتىندىعىن جاريالادى. بۇل ددۇ-مەن قاۋىپسىز جانە ءتيىمدى دەپ جىكتەلگەن العاشقى قىتاي پرەپاراتى، 45 ەلدە ەرەسەكتەرگە ۆاكتسيناتسيالاۋعا رۇقسات ەتىلگەن.
ەستەرىڭىزگە سالا كەتەيىك، ءساۋىر ايىنىڭ سوڭىندا قازاقستان ءباا-دە hayat-Vax ساۋدا اتاۋىمەن شىعارىلعان Sinopharm كومپانياسىنىڭ پەكين بيولوگيالىق ءونىمى ينستيتۋتى پرەپاراتىنىڭ ميلليون دوزاسىن ساتىپ الدى.
«ادىرنا» ۇلتتىق پورتالى
