پرەزيدەنت: ساقالى بەلىنە تۇسكەن ادامدار بىزگە جارامايدى

2212
Adyrna.kz Telegram

وتاندىق باق وكىلدەرىنە سۇقبات بەرگەن ەلباسى ءدىن سالاسىنداعى پروبلەمالاردى ەڭسەرۋ ءۇشىن قانداي شارۋالار اتقارىلىپ جاتقانىنا توقتالدى دەپ حابارلايدى سىلتەمە جاساعان

"قازىرگى زاماندا ءدىني احۋال ىلعي كوز الدىمىزدا بولۋى كەرەك. قازىر سيريادا، ءوز ىشىمىزدە نە بولىپ جاتقانىن كورىپ وتىرسىزدار. ءبىز قازاقستاندىقتار زيالى قاۋىمبىز. ءدىن ماسەلەسى مەملەكەتتەن بولەك تۇرادى. دەگەنمەن ونى باسقارماي بولمايدى. سوندىقتان جاعدايدى ەگجەيلى-تەگجەيلى ءبىلىپ وتىرۋ ءۇشىن ارنايى مينيسترلىك قۇرىلدى. قارا كيىم كيىپ، تۇمشالانىپ ءجۇرۋ قازاقتاردا ەش ۋاقىت بولعان ەمەس. ايەلدەردىڭ بارلىعىن بەتىن جاۋىپ، ايەلدەر ەكىنشى سورتتى ادامدار دەگەن ەل ەمەسپىز. ونى دا قاراۋ كەرەك. ساقالى بەلىنە تۇسكەن ادامدار دا بىزگە جارامايدى. ءوزىمىزدىڭ اتا-بابادان قالعان جولىمىز بار. سول جولمەن ءجۇرۋىمىز كەرەك", — دەيدى پرەزيدەنت.                                                                                                           نازارباەۆ بارلىق مۇسىلمان ەلىندە ءدىننىڭ جۇمىسى مەملەكەتتىڭ قاداعالاۋىندا ەكەنىن اتاپ ءوتتى.

"ول تۇركيادا دا، ساۋد ارابياسىندا دا، مۇسىلمانبىز دەگەن بارلىق اراب ەلىندە بار. ءبىز دە قاداعالاپ وتىرۋىمىز كەرەك. ەشكىمگە شەكتەۋ جوق. قازاقستاندا 3000-عا جاقىن مەشىت اشىلدى. كىم قاي ءدىندى ۇستانعىسى كەلسە، ەرىك وزىندە. دەگەنمەن ەلىمىزدە بۇلىك سالماۋى كەرەك. باسقا اعىمعا ءدىندى بۇرىپ اكەتىپ، بۇلىك شىعاراتىن تەرروريستەر شىقپاۋى كەرەك ىشىمىزدەن", — دەيدى مەملەكەت باسشىسى.


 Sputnik قازاقستانعا

پىكىرلەر