Otandyq BAQ ókilderine suqbat bergen elbasy din salasyndaǵy problemalardy eńserý úshin qandaı sharýalar atqarylyp jatqanyna toqtaldy dep habarlaıdy silteme jasaǵan
"Qazirgi zamanda dinı ahýal ylǵı kóz aldymyzda bolýy kerek. Qazir Sırııada, óz ishimizde ne bolyp jatqanyn kórip otyrsyzdar. Biz qazaqstandyqtar zııaly qaýymbyz. Din máselesi memleketten bólek turady. Degenmen ony basqarmaı bolmaıdy. Sondyqtan jaǵdaıdy egjeıli-tegjeıli bilip otyrý úshin arnaıy mınıstrlik quryldy. Qara kıim kıip, tumshalanyp júrý qazaqtarda esh ýaqyt bolǵan emes. Áıelderdiń barlyǵyn betin jaýyp, áıelder ekinshi sortty adamdar degen el emespiz. Ony da qaraý kerek. Saqaly beline túsken adamdar da bizge jaramaıdy. Ózimizdiń ata-babadan qalǵan jolymyz bar. Sol jolmen júrýimiz kerek", — deıdi prezıdent. Nazarbaev barlyq musylman elinde dinniń jumysy memlekettiń qadaǵalaýynda ekenin atap ótti.
"Ol Túrkııada da, Saýd Arabııasynda da, musylmanbyz degen barlyq arab elinde bar. Biz de qadaǵalap otyrýymyz kerek. Eshkimge shekteý joq. Qazaqstanda 3000-ǵa jaqyn meshit ashyldy. Kim qaı dindi ustanǵysy kelse, erik ózinde. Degenmen elimizde búlik salmaýy kerek. Basqa aǵymǵa dindi buryp áketip, búlik shyǵaratyn terrorıster shyqpaýy kerek ishimizden", — deıdi memleket basshysy.
