كوروناۆيرۋستىق ينفەكتسيا جۇقتىرعان ناۋقاستار سانىنىڭ وسۋىنە بايلانىستى رەزەرۆتىك ستاتسيونار اشىلدى.
وبلىستىق كارديولوگيالىق ورتالىق اۋماعىندا 100 توسەك-ورىنعا ارنالعان ينفەكتسيالىق ستاتسيونار اشىلدى. جۇرەك-قان تامىرلارى اۋرۋلارى بار ناۋقاستاردى قابىلداۋ جالعاسۋدا، ولار ءۇشىن 50 توسەك-ورىن بار. تەك پاتسيەنتتەردى جوسپارلى تۇردە اۋرۋحاناعا جاتقىزۋ توقتاتىلدى. ولار ۋاقىتشا ۋچاسكەلىك ەمحانالاردا مامانداردىڭ باقىلاۋىندا بولادى،-دەپ حابارلادى دەنساۋلىق ساقتاۋ ماماندارى.
ايتا كەتەيىك، سوڭعى تاۋلىكتە وڭىردە Covid-19 جۇقتىرعان 154 ادام انىقتالدى. ونىڭ ىشىندە 92 ناۋقاستا اۋرۋ ءتيىستى بەلگىلەرمەن وتۋدە.
بۇگىنگى كۇنى № 2 وبلىستىق اۋرۋحانادا 142 ناۋقاس ەمدەلۋدە.
مودۋلدىك ينفەكتسيالىق اۋرۋحانادا 192 پاتسيەنت، فتيزيوپۋلمانولوگيالىق ورتالىقتا 50 ادام، تەڭىز كەن ورنىنداعى ينفەكتسيالىق ستاتسيوناردا 52 ، 132 ناۋقاس اۋداندىق ينفەكتسيالىق ستاتسيونارلاردا جاتىر. 608 ادام ءۇي جاعدايىندا ەمدەلۋدە.
