ماسكەۋدە وزبەكستاندىق ميگرانتتار مەن كاۆكازدىقتار اراسىندا جاپپاي توبەلەس بولدى. توبەلەسكە قاتىسۋشىلاردىڭ ۇشەۋى ۇستالدى، ولارعا «بۇزاقىلىق» جانە «قاساقانا دەنەگە جاراقات سالۋ» باپتارى بويىنشا قىلمىستىق ءىس قوزعالدى. سونداي -اق ولاردىڭ قارۋ قولدانعانى دا تەكسەرىلۋ ۇستىندە. توبەلەس سالدارىنان بىرنەشە ادام اۋىر جاراقات الىپ، اۋرۋحاناعا جەتكىزىلگەن.
وقيعا پوگرانيچنايا كوشەسىندە بولعان. كۋاگەرلەردىڭ ايتۋىنا قاراعاندا باستاپقىدا توبەلەس بولىپ، ارتىنشا اتىس باستالعان. تۇرعىندار پوليتسيا شاقىرعان سوڭ، توبەلەسكە قاتىسۋشىلار وقيعا ورنىنان قاشىپ كەتكەن.
بولجام بويىنشا قارۋدى قاقتىعىسقان ەكى جاق بىردەي قولدانعان. Readovka تەلەگرام كانالى وقيعانىڭ كەيبىر ەگجەي-تەگجەيىن تارقاتىپ جازدى. دەرەك كوزىنىڭ ايتۋىنشا، توبەلەس وزبەكتەر مەن شەشەندەر اراسىندا بولعان. «بۇل توبەلەسكە مەنىڭ تۋىستارىم، مەنىڭ دوستارىم قاتىستى. بارلىعى شەشەنستاندىق 3 جىگىتكە 24 وزبەك پىشاق جانە سويىلمەن شابۋىل جاساعان كەزدە باستالدى. وسىنى بىلگەن ءبىزدىڭ باسقا جىگىتتەر بىرىگىپ، بۇنىڭ كەگىن الۋ ءۇشىن باردى»، - دەيدى الەۋمەتتىك جەلىدە توبەلەسكە قاتىسى بار تاراپتىڭ وكىلى. الايدا ميگرانتتارعا قىسىم كورسەتكەن دەگەن دە اقپاراتتار بار. سوڭعى ۋاقىتتا ماسكەۋدە ەڭبەك ميگرانتتارى اراسىندا اتىس-شابىس، جانجال جيىلەپ كەتكەن. "بۇل بيلىكتىڭ ءىسى" دەيتىن دە جاندار سانى ارتۋدا.
"ادىرنا" ۇلتتىق پورتالى
