وتكەن ايدا تۇركيادا 30-دان استام پروۆينتسيانى قامتىعان ءورت الەمنىڭ نازارىن وزىنە اۋدارتتى. 60 جىل بولماعان ىستىقتىڭ قايتالانۋى، قۇرعاشىلىق، ىشكى ساياساتتاعى توپتاردىڭ نارازىلىعى كەلەڭسىز جايتقا اكەلىپ سوقتى.
قاي مەملەكەتتە ورمان كوپ؟
- سۋرينام - مەملەكەتتىڭ 98,26%-ى ورماندى قۇرايدى.
2.ميكرونەزيا - 91,86%
- گابون - 90,04%
- سەيشەل ارالى - 88,41%
- پالاۋ - 87,61%
- تۇركيا - 15,35%
- قازاقستان - 1,23%
قاراپ وتىرعانىڭىزداي، تۇركيا مەملەكەتى ورمانىمەن ماقتانا المايدى. ايتسە دە، ورمان ءورتى 50-60 شاقىرىم قاشىقتىقتا ورنالاسقان تۋريستىك قالاشىققا كەرى اسەر ەتىپ، اۋا رايىن لاستادى.
تۇركياعا تۋريستەر كوپ بارادى ما؟
| ورىن | مەملەكەت | 2019 جىل | 2018 جىل |
| 1 | فرانتسيا | 90 ملن | 89,4 ملن |
| 2 | يسپانيا | 83,5 ملن | 82,8 ملن |
| 3 | اقش | 79,2 ملن | 79,7 ملن |
| 4 | قىتاي | 65,7 ملن | 62,9 ملن |
| 5 | يتاليا | 64,5 ملن | 61,6 ملن |
| 6 | تۇركيا | 51,2 ملن | 45,8 ملن |
| 7 | مەكسيكا | 45 ملن | 41,3 ملن |
| 8 | تايلاند | 39,8 ملن | 38,2 ملن |
| 9 | گەرمانيا | 39,6 ملن | 38,9 ملن |
| 10 | ۇلىبريتانيا | 39,4 ملن | 38,7 ملن |
دەرەككوز:World Tourism Organization
2015-2019 جج. ارالىعىندا تۇركياعا كەلگەن تۋريستەردىڭ ناتيجەسى:
| 2015 جىل | 41 ملن 617 مىڭ | 31 ملرد 464 ملن دوللار |
| 2016 جىل | 31 ملن 365 مىڭ | 22 ملرد 107 ملن دوللار |
| 2017 جىل | 38 ملن 620 مىڭ | 26 ملرد 283 ملن دوللار |
| 2018 جىل | 45 ملن 628 مىڭ | 29 ملرد 512 ملن دوللار |
| 2019 جىل | 51 ملن 860 مىڭ | 34 ملرد 520 ملن دوللار |
ورمان ءورتى كەسىرىنەن 10 ادام قازا تاۋىپ، 1000-عا جۋىق ازامات ءتۇرلى جاراقات الدى. الاپات ءورتتى ەلدە تىيىم سالىنعان كۇردىستان جۇمىسشى پارتياسىمەن بايلانىسى بار "وت بالالارى" توبى موينىنا الدى.بۇل ولاردىڭ العاشقى ىستەگەن ارەكەتى ەمەس. جىل سايىن ولار قاساقانا ورتەۋدى ادەتكە اينالدىرىپتى.ولاردىڭ سوزىنە سەنسەك،"تۇركيا رەجيمى ەشقانداي ءتىلدى تۇسىنبەيدى. سول سەبەپتى ولاردى وت ارقىلى تىزە بۇكتىرۋ" - كەرەك-مىس.
بۇل ءورت تۇركياداعى سۋ تاسىعىش تىكۇشاقتاردىڭ جەتىسپەۋشىلىگىن كورسەتتى. سالدارىنان ءازىربايجان، رەسەي، ۋكراينا، يران سىندى ەلدەر ۇشاق جىبەرۋمەن جاردەم بەردى.
ورمان ورتەۋ قىلمىس پا؟
برازيليا پرەزيدەنتى جاير بولسونارۋ: "اعاشتاردى قىرقىپ، ورتەۋ ارقىلى اۋىل شارۋاشىلىعىن دامىتۋعا بولادى" - دەگەن ءسوزى كوپتەگەن جەرگىلىكتى تۇرعىنداردى شابىتتاندىرىپ، قاساقانا ورماندى ورتەۋگە اتسالىستى. سالدارىنان 2019 جىلى برازيليادا 80 مىڭنان استام ءورت وقيعاسى (1,8 ملن گەكتار امانزونكا ورمانى وتقا وراندى) تىركەلدى.
امازونكا ورمانى قاي ەلدەردە ورنالاسقان؟
1 برازيليا - 60%
- پەرۋ - 13%
- كولۋمبيا - 10%
يندونەزيا مەملەكەتىندە جاساندى ورمان ءورتى قولدان ۇيىمداستىرىلادى. ناتيجەسىندە ورتەلگەن جەر پالما وسىرۋگە قولدانىلادى.
قازاقستان ورمان ورتىنە دايىن با؟ بۇل سۇراققا يۋري يلين، قر توتەنشە جاعداي ءمينيسترى بىلاي دەيدى:
ء"ورتتىڭ الدىن-الۋ ءۇشىن 43 مىڭنان استام مامان، 9 مىڭنان استام تەحنيكا قۇرالدارى، سۋ تاسيتىن 10 تىكۇشاق، ءىرى ورتكە ارنالعان 46 پويىز، 4 مىڭنان استام ەرىكتىلەر توبى، اكىمشىلىكتىڭ باستاماسىمەن 1273 اۋىلدىڭ قاۋىپسىزدىگىن قامتاماسىز ەتەتىن 400 ءورت پوستى قۇرىلعان."
قازاقستان تۇركياداعى ورمان ءورتىنىڭ پايدا بولۋىن، ونىڭ جىلدام تارالۋ قارقىنى مەن سەبەپتەرىن (ادامي فاكتوردى دا ەسەپكە الا وتىرىپ) ەسكەرىپ، بارىنشا دايىن بولۋى ءتيىس. عالامدىق جىلىنۋ الداعى ونجىلدىقتا ۇلكەن ورتتەردىڭ نەگىزگى سەبەبى بولماق دەيدى بۇۇ ماماندارى. ال جەرىنىڭ 10%-عا دا جەتپەيتىن بولىگىن ورمان الىپ جاتقان قازاقستانعا ءار اعاشتى ورتتەن ساقتاۋ اسا ماڭىزدى.
قانات بايۇزاقوۆ
"ادىرنا" ۇلتتىق پورتالى
