سقو-دا الاياقتىققا كۇدىكتى 67 جاستاعى ايەل ۇستالدى، – دەپ حابارلايدى «ادىرنا» ءتىلشىسى Polisia.kz-كە سىلتەمە جاساپ.
ماعجان جۇماباەۆ اۋدانىنىڭ پوليتسيا بولىمىنە وبلىس ورتالىعىنىڭ 68 جاستاعى تۇرعىنىنان الداۋ جولىمەن ونىڭ ەكى التىن جۇزىگى مەن 600 مىڭ تەڭگە اقشاسىن يەلەنگەنى تۋرالى ارىزى كەلىپ تۇسكەن.
«جابىرلەنۋشى جۇمىس بابىمەن اۋدان ورتالىعى بۋلاەۆتاعى بازاردا بولعانىن، كۇن سايىن ونىڭ بۋتيگىنە “الاستاۋ جانە سىرقاتتان ارىلتۋ” قىزمەتىن ۇسىنعان ەگدە جاستاعى ايەلدىڭ كەلەتىنىن تۇسىندىرگەن. باسىندا قالا تۇرعىنى ۇسىنىلعان وسىنداي قىزمەتتەرگە سەنبەۋشىلىك تانىتقان. الايدا ايەل قايتا-قايتا كەلىپ، “تازارتۋ” قىزمەتىن ۇسىنعانعان. اقىر سوڭىندا جابىرلەنۋشى ءوز كەلىسىمىن بەرگەن، تاۋىق جۇمىرتقاسىمەن الاستاۋ ءراسىمى وتكىزىلگەن، كەيىن “ەمشى” ەڭ قۇندى زات پەن اقشا سۇراعان، ول ونى جەكە پايدا تابۋ ماقساتىندا ەمەس، ورتەۋ ءۇشىن العانىن، كەيىن اۋرۋدىڭ ءبارى كەتەتىنىن ايتقان. ايەل قولىنداعى ەكى التىن جۇزىگىن شەشىپ بەرىپ، قولىنا تاعى 20 مىڭ تەڭگە ۇستاتقان. ءبىراز ۋاقىتتان كەيىن جاعدايدى باعالانىمەن “ەمشى” قوڭىراۋعا جاۋاپ بەرمەگەن، كەيىن پوليتسياعا ارىز جازۋعا ءماجبۇر بولعان»،— دەلىنگەن حابارلامادا.
ماعجان جۇماباەۆ اۋدانىنىڭ پوليتسيا ءبولىمى كريمينالدىق پوليتسيا قىزمەتكەرلەرى الاياقتىققا كۇدىكتىنى ۇستادى. ول جۋىردا بۋلاەۆ قالاسىنداعى تانىسىنا كەلگەن اقمولا وبلىسىنداعى اۋدان ورتالىقتارىنىڭ بىرىندە تۇراتىن 67 جاستاعى ايەل بولىپ شىقتى. ساقينا تاركىلەندى.
اتالعان فاكتى قر قك 190-بابى 1-بولىگى (الاياقتىق) ويىنشا سوتقا دەيىنگى تەرگەپ-تەكسەرۋلەردىڭ بىرىڭعاي تىزىلىمىنە ەنگىزىلدى. كۇدىكتىگە قاتىستى مىندەتتى كەلۋ تۇرىندەگى بۇلتارتپاۋ شاراسى تاعايىندالدى. تەرگەۋ جۇرگىزىلۋدە.
«ادىرنا» ۇلتتىق پورتالى
