جەلتوقسان جاڭعىرىعى

3181

بۇگىن الماتىدا جەلتوقسان وقيعاسىنا قاتىسقاندار، قوعام بەلسەندىلەرى جانە قالا باسشىلىعى جەلتوقسان وقيعاسى قۇرمەتىنە تۇرعىزىلعان "تاۋەلسىزدىك تاڭى" ەسكەرتكىشىنە گۇل شوعىن قويدى.

راسىمگە قاتىسقان جۇزدەگەن ادام وقيعادا قازا بولعانداردى ۇنسىزدىكپەن ەسكە الىپ، قۇرباندار ارۋاعىنا باعىشتاپ قۇران وقىدى. جەلتوقسان وقيعاسىن ەسكە الۋ راسىمىنە قالا اكىمى باۋىرجان بايبەك قاتىستى. راسىمگە قاتىسقاندار اراسىندا قالالىق جاستار ۇيىمدارى، ءماسليxات دەپۋتاتتارى جانە زيالى قاۋىم وكىلدەرى بولدى.

ەسكەرتكىشكە گۇل شوعىن قويعاندا بەلسەندىلەر دە، اكىمدىك وكىلدەرى كوپ الدىندا سويلەمەي ءراسىم سوڭىنان جەلتوقسان وقيعاسى قۇرباندارى قۇرمەتىنە بەرىلەتىن اسقا باراتىن بولىپ تارقاستى. جينالعانداردى اكىمدىك تاراپىنان بولىنگەن ارنايى اۆتوبۋس اسقا الىپ كەتتى. گۇل شوعىن قويار الدىندا الاڭعا جينالعان ءبىر توپ ادام "جەلتوقسان جەلى" ءانىنىڭ ءسوزىن ءسال وزگەرتىپ شىرقاپ تۇردى.

ءراسىم كەزىندە الاڭ ماڭايىندا پوليتسەيلەر مەن پوليتسيانىڭ ميكرواۆتوبۋس كولىكتەرى بايقالعان. "تاۋەلسىزدىك مونۋمەنتى" مەن "تاۋەلسىزدىك تاڭى" ەسكەرتكىشى ورنالاسقان رەسپۋبليكا الاڭى مەن ونىڭ جوعارعى جاعىنداعى الماتى قالاسى اكىمدىگى ماڭىندا كەشەدەن بەرى پوليتسيا اۆتوبۋستارى مەن ميكرواۆتوبۋستارى ءجيى ۇشىراسقان.

1986 جىلى ماسكەۋدىڭ قازاق سسر-ءى باسشىلىعىنا رەسپۋبليكاعا بەلگىسىز گەننادي كولبيندى تاعايىنداۋ تۋرالى شەشىمى ستۋدەنت جانە جۇمىسشى قازاق جاستارىنىڭ نارازىلىق شەرۋىنە ۇلاسقان. الماتىنىڭ ورتالىق الاڭىندا ەكى كۇنگە جالعاسقان شەرۋدى بيلىك كۇشپەن باسىپ-جانشىدى. جەلتوقسان وقيعاسىنان كەيىن جۇزدەگەن ادام جوعارى وقۋ ورىندارىنان شىعارىلدى، جۇمىسىنان قۋىلدى. جەلتوقسان وقيعاسىنا قاتىستى ناقتى قانشا ادامنىڭ قۋعىنعا ۇشىراعانى ءالى كۇنگە بەلگىسىز.


«ازاتتىق راديوسى».

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket