Búgin Almatyda Jeltoqsan oqıǵasyna qatysqandar, qoǵam belsendileri jáne qala basshylyǵy Jeltoqsan oqıǵasy qurmetine turǵyzylǵan "Táýelsizdik tańy" eskertkishine gúl shoǵyn qoıdy.
Rásimge qatysqan júzdegen adam oqıǵada qaza bolǵandardy únsizdikpen eske alyp, qurbandar árýaǵyna baǵyshtap quran oqydy. Jeltoqsan oqıǵasyn eske alý rásimine qala ákimi Baýyrjan Baıbek qatysty. Rásimge qatysqandar arasynda qalalyq jastar uıymdary, máslıxat depýtattary jáne zııaly qaýym ókilderi boldy.
Eskertkishke gúl shoǵyn qoıǵanda belsendiler de, ákimdik ókilderi kóp aldynda sóılemeı rásim sońynan jeltoqsan oqıǵasy qurbandary qurmetine beriletin asqa baratyn bolyp tarqasty. Jınalǵandardy ákimdik tarapynan bólingen arnaıy avtobýs asqa alyp ketti. Gúl shoǵyn qoıar aldynda alańǵa jınalǵan bir top adam "Jeltoqsan jeli" ániniń sózin sál ózgertip shyrqap turdy.
Rásim kezinde alań mańaıynda polıeıler men polıııanyń mıkroavtobýs kólikteri baıqalǵan. "Táýelsizdik monýmenti" men "Táýelsizdik tańy" eskertkishi ornalasqan Respýblıka alańy men onyń joǵarǵy jaǵyndaǵy Almaty qalasy ákimdigi mańynda kesheden beri polıııa avtobýstary men mıkroavtobýstary jıi ushyrasqan.
1986 jyly Máskeýdiń Qazaq SSR-i basshylyǵyna respýblıkaǵa belgisiz Gennadıı Kolbındi taǵaıyndaý týraly sheshimi stýdent jáne jumysshy qazaq jastarynyń narazylyq sherýine ulasqan. Almatynyń ortalyq alańynda eki kúnge jalǵasqan sherýdi bılik kúshpen basyp-janshydy. Jeltoqsan oqıǵasynan keıin júzdegen adam joǵary oqý oryndarynan shyǵaryldy, jumysynan qýyldy. Jeltoqsan oqıǵasyna qatysty naqty qansha adamnyń qýǵynǵa ushyraǵany áli kúnge belgisiz.
«Azattyq radıosy».
