Bügın Almatyda Jeltoqsan oqiǧasyna qatysqandar, qoǧam belsendılerı jäne qala basşylyǧy Jeltoqsan oqiǧasy qūrmetıne tūrǧyzylǧan "Täuelsızdık taŋy" eskertkışıne gül şoǧyn qoidy.
Räsımge qatysqan jüzdegen adam oqiǧada qaza bolǧandardy ünsızdıkpen eske alyp, qūrbandar äruaǧyna baǧyştap qūran oqydy. Jeltoqsan oqiǧasyn eske alu räsımıne qala äkımı Bauyrjan Baibek qatysty. Räsımge qatysqandar arasynda qalalyq jastar ūiymdary, mäslixat deputattary jäne ziialy qauym ökılderı boldy.
Eskertkışke gül şoǧyn qoiǧanda belsendıler de, äkımdık ökılderı köp aldynda söilemei räsım soŋynan jeltoqsan oqiǧasy qūrbandary qūrmetıne berıletın asqa baratyn bolyp tarqasty. Jinalǧandardy äkımdık tarapynan bölıngen arnaiy avtobus asqa alyp kettı. Gül şoǧyn qoiar aldynda alaŋǧa jinalǧan bır top adam "Jeltoqsan jelı" änınıŋ sözın säl özgertıp şyrqap tūrdy.
Räsım kezınde alaŋ maŋaiynda poliseiler men polisiianyŋ mikroavtobus kölıkterı baiqalǧan. "Täuelsızdık monumentı" men "Täuelsızdık taŋy" eskertkışı ornalasqan Respublika alaŋy men onyŋ joǧarǧy jaǧyndaǧy Almaty qalasy äkımdıgı maŋynda keşeden berı polisiia avtobustary men mikroavtobustary jiı ūşyrasqan.
1986 jyly Mäskeudıŋ Qazaq SSR-ı basşylyǧyna respublikaǧa belgısız Gennadii Kolbindı taǧaiyndau turaly şeşımı student jäne jūmysşy qazaq jastarynyŋ narazylyq şeruıne ūlasqan. Almatynyŋ ortalyq alaŋynda ekı künge jalǧasqan şerudı bilık küşpen basyp-janşydy. Jeltoqsan oqiǧasynan keiın jüzdegen adam joǧary oqu oryndarynan şyǧaryldy, jūmysynan quyldy. Jeltoqsan oqiǧasyna qatysty naqty qanşa adamnyŋ quǧynǧa ūşyraǧany älı künge belgısız.
«Azattyq radiosy».
