تالدىقورعاندا سوتتالعاندار 1 ملن تەڭگە كولەمىندە گرانتقا يە بولدى

4056
Adyrna.kz Telegram

تالدىقورعان قالاسى پروباتسيا قىزمەتىنىڭ ەسەبىندە تۇرعان ءۇش سوتتالعان كونكۋرستىق نەگىزدە ءبىر ميلليون تەڭگە كولەمىندە گرانتقا يە بولىپ، ءوز بيزنەستەرىن اشتى، دەپ حابارلايدى «ادىرنا» ءتىلشىسى Polisia.kz-كە سىلتەمە جاساپ.

الماتى وبلىسى بويىنشا قاجد قاراستى تالدىقورعان قالالىق پروباتسيا قىزمەتى ءبولىمى، الماتى وبلىسىنىڭ پروكۋراتۋراسى جانە “تالدىقورعان وڭىرلىك جۇمىسپەن قامتۋعا جاردەمدەسۋ قورى” قوعامدىق قورىمەن بىرلەسىپ، “الماتى وبلىسى اكىمدىگىنىڭ ىشكى ساياسات باسقارماسى” مم قولداۋىمەن پروباتسيا قىزمەتىندە ەسەپتە تۇرعان سوتتالعاندار قاتارىنان الەۋمەتتىك كاسىپكەرلىك سالاسىندا ءوز ءىسىن ىسكە اسىرۋ ءۇشىن ءبىر ميلليون تەڭگە مولشەرىندە گرانت بەرۋ ماقساتىندا “ەكىنشى مۇمكىندىك” جوباسىن ىسكە اسىردى. بۇل جوباعا تالدىقورعان پروباتسيا قىزمەتىنىڭ ەسەبىندە تۇرعان سوتتالعان ادامدار جانە قاماۋ ورىندارىنان بوساتىلعان ادامدار قاتىستى.

ۇيىمداستىرۋشىلار ء“وز الەۋمەتتىك بيزنەسىڭدى باستا” اتتى وقىتۋ سەمينارىن وتكىزدى. وقىتۋ ءار ءتۇرلى ءىس-شارالاردى ۇيىمداستىرۋ ادىسىمەن ءوتتى. وقۋ سەمينارى اياقتالعاننان كەيىن فينالعا شىققاندار وزدەرىنىڭ بيزنەس-جوبالارىنىڭ پرەزەنتاتسيالارىن قورعادى.

بايقاۋ كوميسسياسىنىڭ شەشىمى بويىنشا، تالدىقورعان قالاسىنداعى پروباتسيا قىزمەتىنىڭ ءۇش سوتتالۋشىسى ارقايسىسىنا 1 ملن. تەڭگە كولەمىندە گرانت بەرىلدى. گرانتتار سەپتيكتەردى تازالاۋ، سۆاركالىق جۇمىستارىن جانە شاشتاراز قىزمەتتەرىن قاجەت جابدىقتاردى ساتىپ الۋ ءۇشىن پايدالانىلاتىن بولادى.

– تالدىقورعان قالاسىنىڭ پروباتسيا قىزمەتىنىڭ جانە جالپى الماتى وبلىسى بويىنشا قاجد قىزمەتكەرلەرىنە ءبىز ءۇشىن وسىنداي قيىن ۋاقىتتا ءوز بيزنەسىن اشۋعا مۇمكىندىك بەرگەنى ءۇشىن العىسىمدى بىلدىرەمىن. ماعان شاشتاراز اشۋ ءۇشىن جابدىق ساتىپ الۋعا كومەكتەستى، مەن سۇلۋلىق سالونىن اشتىم. ماعان سەنگەنىڭىز ءۇشىن كوپ راحمەت. ارينە، جەڭۋ وڭاي بولعان جوق. مەن ءوز ءىسىمدى اشقانىما قۋانىشتىمىن، – دەيدى گرانت يەگەرلەرىنىڭ ءبىرى.

الماتى وبلىسىندا پروباتسيا قىزمەتىنىڭ ەسەبىندە تۇرعان ادامدارعا مەملەكەتتەن وتەۋسىز گرانتتار بەرۋ جىل سايىنعى داستۇرگە اينالدى.

–  ەستەرىڭىزگە سالا كەتەيىك، وسى جوبانىڭ ارقاسىندا ەكى سوتتالۋشى شينومونتاج جانە پلاستيكالىق تەرەزەلەر مەن ەسىكتەر جاساۋ بويىنشا ءوز بيزنەسىن ءساتتى دامىتۋدا، – دەپ اتاپ ءوتتى الماتى وبلىسى بويىنشا قاجد باستىعىنىڭ ورىنباسارى جانىبەك قوسجانوۆ.

«ادىرنا» ۇلتتىق پورتالى

پىكىرلەر