Taldyqorǵanda sottalǵandar 1 mln teńge kóleminde grantqa ıe boldy

4055
Adyrna.kz Telegram

Taldyqorǵan qalasy probaııa qyzmetiniń esebinde turǵan úsh sottalǵan konkýrstyq negizde bir mıllıon teńge kóleminde grantqa ıe bolyp, óz bıznesterin ashty, dep habarlaıdy «Adyrna» tilshisi Polisia.kz-ke silteme jasap.

Almaty oblysy boıynsha QAJD qarasty Taldyqorǵan qalalyq probaııa qyzmeti bólimi, Almaty oblysynyń prokýratýrasy jáne “Taldyqorǵan óńirlik jumyspen qamtýǵa járdemdesý qory” qoǵamdyq qorymen birlesip, “Almaty oblysy ákimdiginiń ishki saıasat basqarmasy” MM qoldaýymen probaııa qyzmetinde esepte turǵan sottalǵandar qatarynan áleýmettik kásipkerlik salasynda óz isin iske asyrý úshin bir mıllıon teńge mólsherinde grant berý maqsatynda “Ekinshi múmkindik” jobasyn iske asyrdy. Bul jobaǵa Taldyqorǵan probaııa qyzmetiniń esebinde turǵan sottalǵan adamdar jáne qamaý oryndarynan bosatylǵan adamdar qatysty.

Uıymdastyrýshylar “Óz áleýmettik bıznesińdi basta” atty oqytý semınaryn ótkizdi. Oqytý ár túrli is-sharalardy uıymdastyrý ádisimen ótti. Oqý semınary aıaqtalǵannan keıin fınalǵa shyqqandar ózderiniń bıznes-jobalarynyń prezentaııalaryn qorǵady.

Baıqaý komıssııasynyń sheshimi boıynsha, Taldyqorǵan qalasyndaǵy probaııa qyzmetiniń úsh sottalýshysy árqaısysyna 1 mln. teńge kóleminde grant berildi. Granttar septıkterdi tazalaý, svarkalyq jumystaryn jáne shashtaraz qyzmetterin qajet jabdyqtardy satyp alý úshin paıdalanylatyn bolady.

– Taldyqorǵan qalasynyń probaııa qyzmetiniń jáne jalpy Almaty oblysy boıynsha QAJD qyzmetkerlerine biz úshin osyndaı qıyn ýaqytta óz bıznesin ashýǵa múmkindik bergeni úshin alǵysymdy bildiremin. Maǵan shashtaraz ashý úshin jabdyq satyp alýǵa kómektesti, men sulýlyq salonyn ashtym. Maǵan sengenińiz úshin kóp rahmet. Árıne, jeńý ońaı bolǵan joq. Men óz isimdi ashqanyma qýanyshtymyn, – deıdi grant ıegerleriniń biri.

Almaty oblysynda Probaııa qyzmetiniń esebinde turǵan adamdarǵa memleketten óteýsiz granttar berý jyl saıynǵy dástúrge aınaldy.

–  Esterińizge sala keteıik, osy jobanyń arqasynda eki sottalýshy shınomontaj jáne plastıkalyq terezeler men esikter jasaý boıynsha óz bıznesin sátti damytýda, – dep atap ótti Almaty oblysy boıynsha QAJD bastyǵynyń orynbasary Jánibek Qosjanov.

«Adyrna» ulttyq portaly

Pikirler