"Pfizer" جانە "Moderna" فارماتسەۆتيكا كومپانيالارى ەۋرووداق ءۇشىن كوروناۆيرۋسقا قارسى ۆاكتسينانىڭ باعاسىن كوتەردى دەپ حابارلايدى "ادىرنا" ۇلتتىق پورتالى "Euronews-كە" سىلتەمە جاساپ.
بريتاندىق Financial Times گازەتىنىڭ حابارلاۋىنشا، ەندى Pfizer-ءدىڭ ءبىر دوزاسى 19,50 ەۋرو تۇرادى، بۇدان بۇرىن ونىڭ قۇنى 15,50 ەۋرو بولعان. وسىلايشا نەمىس-اعىلشىن ۆاكتسيناسى 25%-عا قىمباتتاعان.
ال Moderna پرەپاراتىنىڭ ءبىر دوزاسى 19-دان 21,50 ەۋروعا دەيىن كوتەرىلدى. وندىرۋشىلەردىڭ ايتۋىنشا، سىناقتىڭ ءۇشىنشى كەزەڭى ۆاكتسينانىڭ رنق-سى ۆەكتورلىق پرەپاراتتارعا قاراعاندا تيىمدىرەك ەكەنىن كورسەتكەن.
ودان بولەك، AstraZeneca مەن Johnson&Johnson ارزان ۆاكتسينالارىنا قاراعاندا، جاناما اسەرلەردىڭ پايدا بولۋ قاۋپى تومەنىرەك بولىپ شىقتى. Financial Times جۋرناليستەرى ەۋرووداقتىڭ ۆاكتسينالاردى جاڭا باعامەن الۋعا كەلىسكەنىن انىقتادى.
پرەپاراتتىڭ قۇنىن قايتا قاراۋ بىرقاتار ەۋروپا ەلدەرىنىڭ حالىققا ۆاكتسينانىڭ ەكى دوزاسىن سالدىرعاننان سوڭ جارتى جىل وتكەننەن كەيىن ءۇشىنشى دوزانى سالدىرۋ جونىندە شەشىم قابىلداپ جاقتان تۇستا جۇرگىزىلدى.
"ادىرنا" ۇلتتىق پورتالى.
