ماۋسىم ايىندا ءبىر ميلليارد تەڭگە تۇراتىن «زولگەنسما» ينەكتسياسىن العان ەميردىڭ اتا-اناسى جيناقتان قالعان اقشانى بۇلشىقەت اتروفياسىنا شالدىققان بالالارعا اۋدارۋعا شەشىم قابىلدادى. بۇل تۋرالى تالەح شاحماروۆ پەن سابينا داۋلەتقاليەۆا الەۋمەتتىك جەلىدە حابارلادى.
"بالامىزدىڭ جاعدايىن جانە پرەپاراتتىڭ (Zolgensma) جاناما اسەرلەرىنىڭ بولماۋىن باقىلاي وتىرىپ، ءبىز قوسىمشا شىعىنداردى قاجەت ەتپەيتىنىمىزدى تۇسىندىك. ءانونيمدى قايىرىمدىلىق جاساۋشى بولگەن اقشا بىزگە جەتكىلىكتى بولدى دەپ سەنىممەن ايتا الامىز. سوندىقتان قالعان سومانى باسقا بالالارعا بەرەمىز دەپ شەشتىك", - دەپ جازدى ولار.
ەرلى-زايىپتىلاردىڭ ايتۋىنشا، جيناق جابىلعاننان كەيىن ەميردىڭ شوتىنا 48 844 320 تەڭگە (115 مىڭ دوللار) تۇسكەن. بۇل قاراجات بۇلشىقەت اتروفياسىمەن اۋىراتىن شقو-لىق ەميليا كەريمباەۆا مەن تارازدىق ايسەزىم ەركىنگە 24 420 000 تەڭگەدەن اۋدارىلدى.
«ادىرنا» ۇلتتىق پورتالى
