Maýsym aıynda bir mıllıard teńge turatyn «Zolgensma» ınekııasyn alǵan Emırdiń ata-anasy jınaqtan qalǵan aqshany bulshyqet atrofııasyna shaldyqqan balalarǵa aýdarýǵa sheshim qabyldady. Bul týraly Taleh Shahmarov pen Sabına Dáýletqalıeva áleýmettik jelide habarlady.
"Balamyzdyń jaǵdaıyn jáne preparattyń (Zolgensma) janama áserleriniń bolmaýyn baqylaı otyryp, biz qosymsha shyǵyndardy qajet etpeıtinimizdi túsindik. Anonımdi qaıyrymdylyq jasaýshy bólgen aqsha bizge jetkilikti boldy dep senimmen aıta alamyz. Sondyqtan qalǵan somany basqa balalarǵa beremiz dep sheshtik", - dep jazdy olar.
Erli-zaıyptylardyń aıtýynsha, jınaq jabylǵannan keıin Emırdiń shotyna 48 844 320 teńge (115 myń dollar) túsken. Bul qarajat bulshyqet atrofııasymen aýyratyn ShQO-lyq Emılııa Kerımbaeva men Tarazdyq Aısezim Erkinge 24 420 000 teńgeden aýdaryldy.
«Adyrna» ulttyq portaly
