اگاتا كريستي كۇيەۋىنەن سۇمدىق جولمەن كەك العان

2974
Adyrna.kz Telegram
1926-جىلى بريتانيا جولدارىنىڭ بىرىنەن ىشىندە ايەل تونى بار بوس ماشينا تابىلىپ، كوپ ۇزاماي ونىڭ دەتەكتيۆ جانرىندا انگلياعا عانا ەمەس، بۇكىل ەۆروپاعا تانىلا باستاعان جازۋشى اگاتا كريستيگە تيەسىلى ەكەنى جاريا بولادى.
لوندون پوليتسياسى اياعىنان تىك تۇرىپ، ءدال اگاتا جوعالاتىن كۇنى ونىڭ جەڭىل جۇرىسكە قۇمار كۇيەۋى ارچيبالد كەزەكتى اشىناسىمەن قالا سىرتىنداعى ۇيىندە بولعانىن انىقتايدى. ،،بۇنى وزىنە كۇدىك كەلتىرمەۋ ءۇشىن ادەيى ۇيىمداستىرعان"- دەپ گازەتتەر جارىسا جازىپ، حالىق دۇرلىگىپ ،،ونى دەرەۋ قاماۋ قاجەت" دەپ ۋ-شۋ بولىپتى. ارچيبالد كىرەرگە تەسىك تاپپاي، اشىناسى ونى تاستاپ، باسقا قالاعا قاشىپ كەتكەن كورىنەدى. بىرنەشە كۇننەن كەيىن پوليتسياعا جوعالعان ادامدى ،،Swan Hotel" قوناق ۇيىنەن كوردىم دەگەن حابار ءتۇسىپ، بارسا شىنىندا دا اگاتا 5 جۇلدىزدى وسى قوناق ۇيدە، وزگە ايەلدىڭ اتىمەن ماسساجدار، سپا-سالون قابىلداپ، شىقپاستان جاتىر ەكەن. بۇل ونىڭ كۇيەۋىنەن كەك الۋ ءۇشىن ويلاستىرعان ءىس-شاراسى بولىپ شىقتى، جانە كۇيەۋىنىڭ جەر بولىپ، اشىناسىنىڭ ونى تاستاپ، قاشىپ كەتكەنىن ەسكە الساق، ورىندالدى دەۋگە دە كەلەدى.
ال ءوزى كوپ ۇزاماي اجىراسىپ، وزىنەن ون بەس جاس كىشى ارحەولوگقا تۇرمىسقا شىعادى. سوندا بىرەۋلەر جاس ايىرماشىلىعىن اڭگىمە قىلعان كەزدە اگاتا:
- كۇيەۋىڭنىڭ، انتيكۆار نەمەسە ارحەولوگ بولعانىنىڭ ارتىقشىلىعى،  ،،كونەرگەن" سايىن قۇنىڭ ارتىپ، باعالانا بەرەسىڭ،- دەپ جاۋاپ بەرگەن ەكەن.
رامازان اجنيازوۆتىڭ
پاراقشاسىنان
پىكىرلەر