1926-jyly Brıtanııa joldarynyń birinen ishinde áıel tony bar bos mashına tabylyp, kóp uzamaı onyń detektıv janrynda Anglııaǵa ǵana emes, búkil Evropaǵa tanyla bastaǵan jazýshy Agata Krıstıge tıesili ekeni jarııa bolady.
London polıııasy aıaǵynan tik turyp, dál Agata joǵalatyn kúni onyń jeńil júriske qumar kúıeýi Archıbald kezekti ashynasymen qala syrtyndaǵy úıinde bolǵanyn anyqtaıdy. ,,Buny ózine kúdik keltirmeý úshin ádeıi uıymdastyrǵan"- dep gazetter jarysa jazyp, halyq dúrligip ,,ony dereý qamaý qajet" dep ý-shý bolypty. Archıbald kirerge tesik tappaı, ashynasy ony tastap, basqa qalaǵa qashyp ketken kórinedi. Birneshe kúnnen keıin polıııaǵa joǵalǵan adamdy ,,Swan Hotel" qonaq úıinen kórdim degen habar túsip, barsa shynynda da Agata 5 juldyzdy osy qonaq úıde, ózge áıeldiń atymen massajdar, spa-salon qabyldap, shyqpastan jatyr eken. Bul onyń kúıeýinen kek alý úshin oılastyrǵan is-sharasy bolyp shyqty, jáne kúıeýiniń jer bolyp, ashynasynyń ony tastap, qashyp ketkenin eske alsaq, oryndaldy deýge de keledi.
Al ózi kóp uzamaı ajyrasyp, ózinen on bes jas kishi arheologqa turmysqa shyǵady. Sonda bireýler jas aıyrmashylyǵyn áńgime qylǵan kezde Agata:
- Kúıeýińniń, antıkvar nemese arheolog bolǵanynyń artyqshylyǵy, ,,kónergen" saıyn qunyń artyp, baǵalana beresiń,- dep jaýap bergen eken.
Ramazan AJNIIaZOVTYŃ
paraqshasynan
