تامىز ايىندا اۋا رايى قانداي بولادى؟

764

سينوپتيكتەر تامىز ايىندا اۋا رايىنىڭ قالاي بولاتىنىنا بولجام جاسادى، دەپ حابارلايدى «ادىرنا» ۇلتتىق پورتالى.

بولجام بويىنشا تامىزدىڭ باسىندا قازاقستان اۋماعىنىڭ باسىم بولىگىندە اۋا رايى ىستىق ءارى قۇرعاق بولادى. شىعىس پەن ەلدىڭ وڭتۇستىك-شىعىسىنداعى تاۋلى جانە تاۋ بوكتەرىندەگى اۋدانداردا نايزاعاي ويناپ، وتكىنشى جاڭبىر جاۋادى.

ەلدىڭ باتىسىندا، وڭتۇستىگىندە، وڭتۇستىك-شىعىسىندا اۋا تەمپەراتۋراسى تۇندە +20...+25°س، كۇندىز +35...+42°س، سولتۇستىكتە، ورتالىقتا جانە شىعىستا تۇندە +15...+22°س، كۇندىز +30...+37°س بولادى.

ءبىرىنشى ونكۇندىكتىڭ سوڭىنا قاراي نايزاعاي ويناپ، وتكىنشى جاڭبىر باستالادى.

ال ەكىنشى ونكۇندىكتە رەسپۋبليكانىڭ سولتۇستىك جارتىسىنا سۋىق اۋا ماسسالارى تۇسەدى. بۇل اۋا رايىنىڭ قۇبىلۋىنا اكەلەدى: جاڭبىر جاۋادى، تاۋلى جانە تاۋ بوكتەرىندەگى اۋدانداردا نايزاعاي ويناپ، جەل كۇشەيەدى.

«ادىرنا» ۇلتتىق پورتالى

پىكىرلەر
ۇقساس جاڭالىقتار