سينوپتيكتەر 16 قىركۇيەكتە قازاقستاننىڭ 15 وبلىسىندا داۋىلدى ەسكەرتۋ جاريالادى. ەلىمىزدىڭ ءتورت وڭىرىندە تۇندە توپىراق بەتى قاتىپ، ۇسىك جۇرەدى دەپ بولجانادى. بۇل تۋرالى "قازگيدرومەت" رمك ءباسپاسوز قىزمەتى جاريالادى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، كۇندىز تۇركىستان وبلىسىنىڭ سولتۇستىگىندە شاڭدى داۋىل بولادى دەپ كۇتىلەدى. وبلىستىڭ سولتۇستىگىندە، باتىسىندا، تاۋلى اۋداندارىندا سولتۇستىك-شىعىستان سوققان جەلدىڭ ەكپىنى 15-20 م/س قۇرايدى. وبلىستىڭ باسىم بولىگىندە توتەنشە ءورت قاۋپى (5 كلاسس) ساقتالادى. شىمكەنت پەن تۇركىستاندا دا توتەنشە ءورت قاۋپى (5 كلاسس) ساقتالادى.
تۇندە جانە تاڭەرتەڭ اقمولا وبلىسىنىڭ باتىسىندا، سولتۇستىگىندە تۇمان تۇسەدى دەپ بولجانادى. وبلىستىڭ باتىسىندا، وڭتۇستىگىندە، شىعىسىندا سولتۇستىك-شىعىستان جەل سوعادى، ەكپىنى - 15-20 م/س. تۇندە وبلىستىڭ سولتۇستىگىندە توپىراق بەتى قاتىپ، سىناپ باعانى 1 گرادۋس سۋىقتى كورسەتەدى، ۇسىك جۇرەدى دەپ كۇتىلەدى.
كۇندىز قىزىلوردا وبلىسىنىڭ ورتالىعىندا شاڭدى داۋىل تۇرادى دەپ كۇتىلەدى. وبلىستىڭ سولتۇستىگىندە، ورتالىعىندا سولتۇستىك-شىعىستان سوققان جەلدىڭ ەكپىنى 15-20 م/س قۇرايدى. وبلىستىڭ باسىم بولىگىندە توتەنشە ءورت قاۋپى، سولتۇستىك-شىعىسىندا، سولتۇستىك-باتىسىندا جوعارى ءورت قاۋپى ساقتالادى. قىزىلوردادا كۇندىز شاڭدى داۋىل تۇرادى. سولتۇستىك-شىعىستان سوققان جەلدىڭ ەكپىنى - 18 م/س. توتەنشە ءورت قاۋپى ساقتالادى.
قاراعاندى وبلىسىنىڭ سولتۇستىگىندە، شىعىسىندا نايزاعاي ويناپ، كۇن رايى بۇزىلادى دەپ كۇتىلەدى. تۇندە جانە تاڭەرتەڭ وبلىستىڭ سولتۇستىگىندە، شىعىسىندا تۇمان ءتۇسۋى ىقتيمال. سولتۇستىك-شىعىستان سوققان جەلدىڭ ەكپىنى 15-20 م/س، كەي تۇستاردا 23 م/س دەيىن جەتەدى. وبلىستىڭ باتىسىندا، ورتالىعىندا جوعارى ءورت قاۋپى، وبلىستىڭ شىعىسىندا توتەنشە ءورت قاۋپى ساقتالادى. قاراعاندىدا نايزاعاي ويناپ، تۇندە جانە تاڭەرتەڭ تۇمان تۇسەدى دەپ كۇتىلەدى. سولتۇستىك-شىعىستان جەل سوعادى، ەكپىنى - 15-20 م/س.
16 قىركۇيەكتە، تاڭەرتەڭ جانە كۇندىز قوستاناي وبلىسىنىڭ وڭتۇستىگىندە، شىعىسىندا نايزاعاي كۇتىلەدى. تۇندە جانە تاڭەرتەڭ وبلىستىڭ باتىسىندا، سولتۇستىگىندە تۇمان كۇتىلەدى. سولتۇستىك-شىعىستان جەل سوعادى، تاڭەرتەڭ جانە كۇندىز وبلىستىڭ باتىسىندا، شىعىسىندا، وڭتۇستىگىندە ەكپىنى 15-20 م/س كۇتىلەدى. وبلىستىڭ وڭتۇستىگىندە جوعارى ءورت قاۋپى ساقتالادى.
كۇندىز اقتوبە وبلىسىنىڭ سولتۇستىگىندە، وڭتۇستىگىندە، ورتالىعىندا سولتۇستىك-شىعىستان سوققان جەلدىڭ ەكپىنى 15-20 م/س قۇرايدى. وبلىستىڭ باسىم بولىگىندە جوعارى، وڭتۇستىگىندە توتەنشە ءورت قاۋپى ساقتالادى. اقتوبەدە سولتۇستىك-شىعىستان سوققان جەلدىڭ ەكپىنى - 15 م/س. جوعارى ءورت قاۋپى ساقتالادى.
كۇندىز ماڭعىستاۋ وبلىسىنىڭ باتىسىندا، ورتالىعىندا شىعىستان، سولتۇستىك-شىعىستان جەل سوعادى، ەكپىنى - 15-20 م/س. وبلىس بويىنشا توتەنشە ءورت قاۋپى ساقتالادى. اقتاۋدا دا توتەنشە ءورت قاۋپى ساقتالادى.
تۇندە جانە تاڭەرتەن اباي وبلىسىنىڭ وڭتۇستىگىندە، ورتالىعىندا تۇمان تۇسەدى دەپ كۇتىلەدى. كۇندىز وبلىستىڭ باتىسىندا، سولتۇستىگىندە، ورتالىعىندا سولتۇستىكتەن، سولتۇستىك-شىعىستان جەل سوعادى، ەكپىنى - 15-20 م/س. تۇندە وبلىستىڭ شىعىسىندا، ورتالىعىندا سىناپ باعانى 2 گرادۋس سۋىقتى كورسەتەدى، ۇسىك جۇرەدى دەپ كۇتىلەدى. وبلىستىڭ باتىسىندا، سولتۇستىك-باتىسىندا، وڭتۇستىگىندە توتەنشە ءورت قاۋپى ساقتالادى.
